Kya Btaoun? Aik Nooha

[Masood]

Assalamo allaikum Dosto

Bohat dino sey kuchh nahin likha, aaj achanak jo zehan mein aaya likhta geya - to lijiye bghair kisi nazar'sani key aap ki khidmat mein pesh hai:

Kya Btaoun? - Pakistan mein Zalzilah Per Aik Nooha

Kya btaoun des mein aafat guzar gaee
lamha bhar ko aai aur aakey qayamat guzar gaee
kya btaoun keh khush-o-khurram bastiyaan ujjarr gaein
yun laga jaisey Halaku ki barbriyyat guzar gaee
sheer'khawar, nau'nehal bachey kat marey
kya btaoun phoolon sey ma'soomiyat guzar gaee
kya btaoun kaliyon ki aabru lut gaee
gulshan mein qayamat peh qayamat guzar gaee
kya btaoun keh insaan ki be'basi dekh ker
tarraptey, sisaktey, martey dekh ker rehmat guzar gaee
kya btaoun aasman ko junbish bhi na hui
aur zameen per aa key kya kya zulmat guzar gaee
kya btaoun keh alam sey har aankh chhalak parri
haan suno! keh dilon sey har nafrat guzar gaee
haan suno! keh aik huwa phir qom ka har fard
har rooh-e-zindah sey phir aisey adawat guzar gaee
har aankh hui pur'nam, har dil huwa be'kal
jhanka jo sab ney seeno mein to anjabiyat guzar gaee
aik qom hain ham, qayamat-e-sughraa ney btaa diya
rahi sahi jo thi dilon mein, adawat guzar gaee

SEE EDITED VERSION UNDERNEATH IN THIS THREAD

[Brijinder]

Re: Kya Btaoun? Aik Nooha

kya btaoun kaliyon ki aabru lut gaee

haan suno! keh aik huwa phir qom ka har fard

aik qom hain ham, qayamat-e-sughraa ney btaa diya
rahi sahi jo thi dilon mein, adawat guzar gaee

Dear Masood,
The poem is good n it evokes the pain of the people.But change the line
kya btaoun kaliyon ki aabru lut gaee
Something which evokes the tragedy of a natural disaster on youngs.They were not raped.Hope I am understood.
haan suno! keh aik huwa phir qom ka har fard

aik qom hain ham, qayamat-e-sughraa ney btaa diya
rahi sahi jo thi dilon mein, adawat guzar gaee

Instead of Quom,explore about the whole humanity which has come forward in this hour of need=-from all over world,irrespective of race,colour,caste or religion.This will broaden your idea of humanity which includes everyone.
Keep it up,my friend.What about my suggestion of books?Started any?
Brijinder

[Aania]

Re: Kya Btaoun? Aik Nooha

[sheem]

Re: Kya Btaoun? Aik Nooha

kya btaoun phoolon sey ma'soomiyat guzar gaee :rose

hmmm Mashallah kafi acha likha hai aap ne Bhai

[hayaa_n]

Re: Kya Btaoun? Aik Nooha

Assalam.o.aleikum Ta ji,,,aap nay jo kuch bayaan kiya hay may bhi yahi sab kuch maihsoos to kar rahi thi but baaz martaba lafz bhi to goongay ho jatay hain saath chowr jaatay hain.Such baat yeh bhi hay k may nay news aik do hi baar daikhi hain aur suni hain us k baad mujh say bardasht nahi huwa sab ka gham. mujh say nahi daikha jaata yeh sab.na may blood daikh sakti hun aur na dukhi logon kay aansu bardaasht hain.koi mujh say isi liye kuch batata bhi nahi hay.aap ki is tehreer say mujhay andaaza mazeed huwa hay k bouhat kuch huwa hay jis ki taraf say may aankhain band kiye huway hun aur Allah kay huzoor sajda raiz hun dua go hun kay ya Allah rehem farma rehem farma rehem farma. yahaan say jo kuch mumkin hay woh sab ham kar rahay hain ta k imdaad mustahiq haathon may jaey.Pakistan may muqeem hamari families bhi har tarha say is waqt is azeem sanaihay may shareek hain.bas mujh say hi zara posheeda rakha jaata hay sab.but phir bhi itni bay khabar nahi hun.aap nay har us dil ki tarjumaani kar di hay jo k is Qayaamat par sogwaar hay.bouhat dil say likha hay aap nay.dil say likhi tehreer dil par hi lagti hay.Allah aisi aafato'n say mahfooz rakhay aur Muslims ko ikhatta honay kay liye aur yakk jaihti kay liye kisi bahaanay ki zaroorat na paray. ham Allah ki rassi ko mazbooti say thamay rakhain isi may ham Muslims ki baqaa posheeda hay.

[.]

Re: Kya Btaoun? Aik Nooha

buhat sahi akaasi ki hai aap nay zalzalye say mutasara afraad ki :rose

['SamRazi']

Re: Kya Btaoun? Aik Nooha

kya btaoun keh alam sey har aankh chhalak parri
haan suno! keh dilon sey har nafrat guzar gaee
haan suno! keh aik huwa phir qom ka har fard
har rooh-e-zindah sey phir aisey adawat guzar gaee
har aankh hui pur'nam, har dil huwa be'kal
jhanka jo sab ney seeno mein to anjabiyat guzar gaee
aik qom hain ham, qayamat-e-sughraa ney btaa diya
rahi sahi jo thi dilon mein, adawat guzar gaee


Sahi kaha Masood, jo Qayamat-e-sugra oun logo per barpa huwi hai, aur jo jani nuksaan huwa hai ousey to koi poora nahi ker sakta magar jis tarah se poori qoam ne barh ker mutasira logo ki imdad ki aur ounehin sanbhala hai wo tareef ek qabil hai. :rose

Buhut khoob likha Masood :)

[aik_lerki]

Re: Kya Btaoun? Aik Nooha

Zabardast Masood
aap ny apny alfaaz sy bohat khob manzar kashi ke hai jaha ye saniha hoa waha ki ..

[SaPpHiRe]

Re: Kya Btaoun? Aik Nooha

woow that was a nice one mashallah.......waqiye jo affat aye hai Allah rehmat farmaye......mashallah nicw job

[naz]

Re: Kya Btaoun? Aik Nooha

Allah pori Qoum per raham kare Ameen suma Ameen

jo ap ne likha hai aik haqeqat hai..jo Qayamat in logon per guzre hai

Mere pass tu alfaz bhi nahi ke kuch keh sakon inlogo ke liye

[Z.]

Re: Kya Btaoun? Aik Nooha

sahih naz alfaaz kya aansoo bhi khatam ho gaye hein...
Masood bro. aap key kalaam ney aik baar phir sey dukhi ker diya hai

ALlah T'ala hum sab per apna reham farmaye Ameen.

[Ambreen]

Re: Kya Btaoun? Aik Nooha

masood is saneha se har dil khoon ke Anso ro raha hai hum pakistan se bahut dor baithey hain mager humarey dilon per bhi qayamat guzri hai kiun keh humare jaden tau usi pak watan mein maujood hain jabhi tu masoom nanney munney bachon ko malbe mein daba howa dekh ker maon ko martey howe dekh ker hum sab ka dil bhi tu phat hi gaya thaa na har din sugwar hai kiun keh humarey apne log jo is qayamat se fguzre hain..bas parwardegar se yehi iltejah hai keh humen bakhsh se hum per reham farma..Ameen

[Masood]

Re: Kya Btaoun? Aik Nooha

Kya Btaoun? - Pakistan mein Zalzilah Per Aik Nooha

Kya btaoun des mein aafat guzar gaee
lamha bhar ko aai aur aakey qayamat guzar gaee
kya btaoun keh khush-o-khurram bastiyaan ujjarr gaein
yun laga jaisey Halaku ki barbriyyat guzar gaee
sheer'khawar, nau'nehal bachey kat marey
kya btaoun phoolon sey ma'soomiyat guzar gaee
kya btaoun kaliyon ki aabru lut gaee
gulshan mein qayamat peh qayamat guzar gaee
kya btaoun keh insaan ki be'basi dekh ker
tarraptey, sisaktey, martey dekh ker rehmat guzar gaee
kya btaoun aasman ko junbish bhi na hui
aur zameen per aa key kya kya zulmat guzar gaee
kya btaoun keh alam sey har aankh chhalak parri
haan suno! keh dilon sey har nafrat guzar gaee
haan suno! keh huwey insaan kon-o-makaan mein
har rooh-e-zindah sey phir aisey adawat guzar gaee
har aankh hui pur'nam, har dil huwa be'kal
jhanka jo sab ney seeno mein to anjabiyat guzar gaee
insan insan ka waseela hai, qayamat-e-sughraa ney btaa diya
rahi sahi jo thi dilon mein, adawat guzar gaee

[Masood]

Re: Kya Btaoun? Aik Nooha

kya btaoun kaliyon ki aabru lut gaee

haan suno! keh aik huwa phir qom ka har fard

aik qom hain ham, qayamat-e-sughraa ney btaa diya
rahi sahi jo thi dilon mein, adawat guzar gaee

Dear Masood,
The poem is good n it evokes the pain of the people.But change the line
kya btaoun kaliyon ki aabru lut gaee
Something which evokes the tragedy of a natural disaster on youngs.They were not raped.Hope I am understood.
haan suno! keh aik huwa phir qom ka har fard

aik qom hain ham, qayamat-e-sughraa ney btaa diya
rahi sahi jo thi dilon mein, adawat guzar gaee

Instead of Quom,explore about the whole humanity which has come forward in this hour of need=-from all over world,irrespective of race,colour,caste or religion.This will broaden your idea of humanity which includes everyone.
Keep it up,my friend.What about my suggestion of books?Started any?
Brijinder

Brijinder ji yehi aik malaal to dil ko khaey jaa raha hai keh aik to qudrat ney qayamat barpa ki aur phir kuchh kutton ney rahi sahi aabru bhi lootna shuru kar di

Main ney misron ko drust karney ki koshish ki hai :) - haan yeh poori insaniyat ka almiya tha jissey poori duniya ney feel kiya hai

[khurram_shaikh]

Re: Kya Btaoun? Aik Nooha

W salaam,



aah masood bhai aapnien apni tehreer mien iss saadgi se zalzale mien huee tabaahi ko bayaan kiyaa hai usse hum sirf aur sirf mehsoos hi ker ke cheenkh uthte hain Allaah se dua hai ke aisa dardnaaq haadisaa ab humaari aankhoon ke saamnien phir naa aaye dili daad qabool karien khush rahien