Tweet
دل نہ بہلے نہ میری آنکھ کی لالی جائے
روز ہی ضبط کی مقدار بڑھا لی جائے
یا تو ایسا ہو کسی دن وہ مجھے آن ملے
یا کسی طور مری خام خیالی جائے
اُس کے ہر جرم پہ، ہر ظلم پہ پردہ ہی رہے
میری ہر بات سرِ عام اچھالی جائے
کب تلک خود کو اندھیرے میں اسی طرح رکھیں
آج کی رات کوئی شمع جلا لی جائے
ماتمِ ہجر تو تنہائی طلب ہوتا ہے
یہ غلط بات کہ دنیا بھی بلا لی جائے
ایسے لوٹا ہوں میں ناکام امیدوں کو لیئے
جیسے خالی کسی چوکھٹ سے سوالی جائے
لوگ ہنستے ہیں کہ عمران نے دھوکا کھایا
یہ نئی بات نہیں یوں نہ اچھالی جائے
روز ہی ضبط کی مقدار بڑھا لی جائے
یا تو ایسا ہو کسی دن وہ مجھے آن ملے
یا کسی طور مری خام خیالی جائے
اُس کے ہر جرم پہ، ہر ظلم پہ پردہ ہی رہے
میری ہر بات سرِ عام اچھالی جائے
کب تلک خود کو اندھیرے میں اسی طرح رکھیں
آج کی رات کوئی شمع جلا لی جائے
ماتمِ ہجر تو تنہائی طلب ہوتا ہے
یہ غلط بات کہ دنیا بھی بلا لی جائے
ایسے لوٹا ہوں میں ناکام امیدوں کو لیئے
جیسے خالی کسی چوکھٹ سے سوالی جائے
لوگ ہنستے ہیں کہ عمران نے دھوکا کھایا
یہ نئی بات نہیں یوں نہ اچھالی جائے