Tweet
زمیں پر چاند اترا آسمانوں سے
زمیں پر چاند اترا آسمانوں سے
تجھے میں سوچتا ہوں ان حوالوں سے
نہ جانے کب بہا لے جائیں عالم کو
مجھے لگتا ہے ڈر اب تیری آنکھوں سے
ستمگر ہیں تری آنکھیں زمانے میں
بھٹکتے ہیں مسافر ان چراغوں سے
یہ دل بسمل ترے گھر چھوڑ آیا ہوں
کہ ملنا ہے کئی ایسے بہانوں سے
چلو کچھ ہم نیا کرتے ہیں الفت میں
پرانے سب ہوئے قصے زمانوں سے
محبت میں تماشے کی ضرورت کیا؟
کریں الفت چھپا کے ہم زبانوں سے
کتابوں سے نہیں ملنا یہاں کچھ بھی
بنا لے زندگی تو بھی حوالوں سے
نہیں آنا کبھی تم چاندنی شب میں
مجھے لگتا ہے ڈر اپنے ارادوں سے
غریبوں کی اگر آنکھوں میں دیکھو گے
الجھ جائو گے جانے کن سوالوں سے
س ن مخمور
امر تنہائی
Comment