samandar kaa yeh jhaag jabb baiThe gaa

[Ismail Ajaz]

ek nazm Pakistan se muHabbat karne waaloN kee Khidmat meN,Khudaaraa Pakistan ke liye uskee salaamtee ke liye apne apnee sataH par raih kar muCbat kirdaar adaa keejiye keh mubaadah.............. Allah nah kare keh

samandar kaa yeh jhaag jabb baiThe gaa
zindagee ko woh manzar nazar aaey gaa
ek toofaan ban kar uThaa thaa qehr
jo safeene ko saalim nigaltaa gayaa
hum bhee saaHil peh takte rahe der takk
ikk tamaashaaey ibrat ko beHis bane
tum ne kuchh nah kiyaa,hum se kuchh nah huwaa
hum khaRe raih gaey,dekhte tum rahe
kashtiyaaN apnee apnee saNbhaale huwe
apnee apnee anaa ko uchhaale huwe
doobne waalaa saaHil ko takte huwe
dekho Doobaa "Khayaal" kisqadar shaan se

Ismail ajaz Khayaal

[*Hala*]

Re: samandar kaa yeh jhaag jabb baiThe gaa

MASHALLAH.. buht buht umdha lekha hai app ni Ijaz bro... khush rahein

[Ismail Ajaz]

Re: samandar kaa yeh jhaag jabb baiThe gaa

MASHALLAH.. buht buht umdha lekha hai app ni Ijaz bro... khush rahein

bohot shukriyah ******** HALA ******** bahen