" saamne aa'inah rakh liyaa keejiye "

[Ismail Ajaz]

urdujahaaN ke 26veN taraHee mushaaErah kee Ghazal PEGHAM ke chaahne waaloN kee nazr aur Khayaal kaa aadaab !!!!!!!!!!!
Arz e Khidmat hai

kuchh kahaa keejiye kuchh sunaa keejiye
sach kaa har Haal meN saamnaa keejiye

aaNkhoN aaNKhoN meN hum sab samajh jaa'eN ge
aaNkhoN aaNkhoN meN kuchh bhee kahaa keejiye

aap se milnaa tow Khwaab kee baat hai
aa ke KhwaaboN meN hum se milaa keejiye

apne dil meN jagah hum ko de kar sadaa
aap dil meN humaare rahaa keejiye

jab humeN dekhne kee Zaroorat paRe
" saamne aa'inah rakh liyaa keejiye "

ek saa waqt raihtaa naheeN hai kabhee
abb bharosah nah sab peh kiyaa keejiye

ikk tabassum se TooTaa huwaa dil juRe
dil ke juRne kee kuchh tow dawaa keejiye

jo milaa hai muqaddar woh hai aap kaa
apnee taqdeer se Khush rahaa keejiye

aap ke rooThne se nikaltee hai jaaN
jaan ! yuN jaan se nah judaa keejiye

zindagee ! chaar din hai guzar jaa'ey gee
Khair har pal rahe bas , duAa keejiye

hai humaaraa yeh dil aap hee kaa sadaa
ban ke dhaRkan see dil meN basaa keejiye

hum se nazreN bachaa kar guzar jaa'iye
par humaaree nazar se bachaa keejiye

bewafaa'oN kaa hai yeh zamaanah "Khayaal"
bewafaa'oN se bhee abb wafaa keejiye

Ismail Ajaz Khayaal

[Jamil Akhter]

Re: " saamne aa'inah rakh liyaa keejiye "

Wah subhanAllah app samnay hoty tu mukrar kahty...khubo may mila kijyiiii...kya kAhny:rose

[Yaaram]

Re: " saamne aa'inah rakh liyaa keejiye "

Ismail sb, aap ki aik aur tehreer parhny ko mili aur pegham ke Naye Shoora k section ki zeenat bani. main kia kahon.? aap kamal karty hain mashALLAH. bus ALLAH tala ap ko mazeed likhny ki tofeek ata karein. Amin

[Sarah_Tidy]

Re: " saamne aa'inah rakh liyaa keejiye "

ek saa waqt raihtaa naheeN hai kabhee
abb bharosah nah sab peh kiyaa keejiye
umda sharing,

[Ismail Ajaz]

Re: " saamne aa'inah rakh liyaa keejiye "

Jamil Akhter;1417754]Wah subhanAllah app samnay hoty tu mukrar kahty...khubo may mila kijyiiii...kya kAhny:rose

janaab Jamil Akhter SaaHeb
Allah aap ko sadaa Khush rakkhe
bohot shukriyah aap kaa

[Ismail Ajaz]

Re: " saamne aa'inah rakh liyaa keejiye "

Yaaram;1417766]Ismail sb, aap ki aik aur tehreer parhny ko mili aur pegham ke Naye Shoora k section ki zeenat bani. main kia kahon.? aap kamal karty hain mashALLAH. bus ALLAH tala ap ko mazeed likhny ki tofeek ata karein. Amin

Yaaram
Allah aap ko KhushiyaaN aur izzteN donoN jahaanoN kee Ata farmaa'ey ,aap ne mujhe izzat Ataa farmaa'ee aihl e PEGHAM Ne mujhe muHabbatoN se chaahatoN se nawaazaa aap sabhee kaa beHad shukriyah
wassalaam

[Ismail Ajaz]

Re: " saamne aa'inah rakh liyaa keejiye "

Sarah_Tidy;1417815]ek saa waqt raihtaa naheeN hai kabhee
abb bharosah nah sab peh kiyaa keejiye
umda sharing,

sarah
Khush rahiye salaamat rahiye jeetee rahiye ,aap kaa beHad shukriyah

[Yaaram]

Re: " saamne aa'inah rakh liyaa keejiye "

Reputation Points ka nazrana kabool kejye

[Ismail Ajaz]

Re: " saamne aa'inah rakh liyaa keejiye "

Reputation Points ka nazrana kabool kejye

:rose :rose :rose :roseAllah jaza e Khair Ata farmaa'ey aap ko :rose :rose :rose :rose

[*Hala*]

Re: " saamne aa'inah rakh liyaa keejiye "

maza ayaa poetry pher kar... khush rahi bhai..

[Ismail Ajaz]

Re: " saamne aa'inah rakh liyaa keejiye "

maza ayaa poetry pher kar... khush rahi bhai..

bohot shukriyah ******** HALA ******** bahen