Eid aise manaaow tow maaneN

[Ismail Ajaz]

tamaam moHabbat karne waaloN chaahne waaloN dostoN aur qadrdaanoN ko umate muslimah ko khayaal kaa aadab o EID MUBAARAK
Arz e Khidmat hai


dil se abb dil milaaow tow maaneN
Eid aise manaaow tow maaneN

apne dushman se dostee kar ke
usko apnaa banaaow tow maaneN

nafratoN kee haiN aaNdhiyaaN har soo
pyaar kee rut chalaaow tow maaneN

aaj bhee tum se pyaar hai hum ko
tum bheeulfat jataaow tow maaneN

bhool kar saare tum gile shikwe
har ghaRee muskuraaow tow maaneN

dooriyaaN haiN diloN aaKhir kyuN ?
faaSle sab miTaaow tow maaneN

nafratoN ke nikaal kar kaaNTe
pyaar ke gul khilaaow tow maaneN

ban ke tum Andaleeb gulshan meN
abb sadaa chaihchahaaow tow maaneN

dostee kar ke phir humaaraa dil
hum se tum bhee churaaow tow maaneN

hum tumheN chaahte haiN tum apnee
chaahateN abb luTaaow tow maaneN

dil kaa raushan charaaGh kar ke tum
jot e ulfat baRhaaow tow maaneN

yuN baatoN se paiT bharte ho
"Khayaal" kuchh kar dikhaaow tow maaneN

Ismail Ajaz Khayaal

[Sarah_Tidy]

Re: Eid aise manaaow tow maaneN

nafrathon ki hain aandhiyan har soo,
pyar ki ruth chalawo tho manain,
wah wah, bahuth umda ,
keep it up ,

[Jamil Akhter]

Re: Eid aise manaaow tow maaneN

lovely poem:rose

[ahsaas]

Re: Eid aise manaaow tow maaneN

very nice posting

[Ismail Ajaz]

Re: Eid aise manaaow tow maaneN

nafrathon ki hain aandhiyan har soo,
pyar ki ruth chalawo tho manain,
wah wah, bahuth umda ,
keep it up ,

bohot shukriyah SARAH
Khush rahiye

[Ismail Ajaz]

Re: Eid aise manaaow tow maaneN

lovely poem:rose

janaab JAMIL AKHTER SaaHeb

Allah Khush rakkhe aap ko,aap kaa beHad shukriyah

[Ismail Ajaz]

Re: Eid aise manaaow tow maaneN

very nice posting

bohot shukriyah AHSAAS
Khush rahiye

[life.]

Re: Eid aise manaaow tow maaneN

very nice sharing