Pakistan kaa 64vaaN saal yaum e aazaadee (2011) aur hum

[Ismail Ajaz]

Pakistan kaa 64vaaN saal yaum e aazaadee (2011) aur hum

jashn e aazaadee manaane ko bhee hum tayyaar haiN
apnee barbaadee ke bhee hum sab alambardaar haiN

KhooN bahaa kar nafratoN meN ek dooje kaa yahaaN
zindah raihne ke liye sab bar sar e paikaar haiN

nafrtoN KhudGharZiyoN kaa khol kar har soo maHaaZ
mulk meN bad amniyoN ke hum hee Zimmah daar haiN

ek haiN hum millee naGhmoN aur taraanoN meN magar
mil ke raihne ke liye hargiz naheeN tayyaar haiN

aiHtijaajee dharne , yaa Zulm o tashaddud ke liye
barq se bhee ziyaadah har samt hum sabuk raftaar haiN

ko'ee muCbat kaam karne ke liye raaZee naheeN
mulk o millat woh saNwaareN jin ko yeh darkaar haiN

pichhle chauNsaTh saaloN meN seekhaa hai har ikk ne yahaaN
maiN SaHeeH baaqee Ghalat ! jitne haiN sab bekaar haiN

aasmaaN se chaaNd taare toR laa'eN hum magar
laRne marne ke siwaa , furSat nah abb afkaar haiN

aaj bhee apne watan se hum ko beHad pyaar hai !
yeh alag hai baat hum karte naheeN iZhaar haiN

mulk kee ta'Ameer o Khush'Haalee kee koshish hum kareN
kaise hai mumkin bhalaa , isske liye sarkaar haiN

jaan mulk o qaum kee Khaatir kareN qurbaaN "Khayaal"
jaane kyuN hum lowg saare beHis o bezaar haiN

Ismail Ajaz Khayaal

[Baniaz Khan]

Re: Pakistan kaa 64vaaN saal yaum e aazaadee (2011) aur hum

yes its reality.

[Ismail Ajaz]

Re: Pakistan kaa 64vaaN saal yaum e aazaadee (2011) aur hum

yes its reality.

janaab moHtaram baniazkhan SaaHeb
Allah rabbul izzat aap ko sadaa Khush rakkhe keh aap ne nah Sirf mujhe paRhaa balkeh meree taa'id bhee farmaa'ee
baRee inaayat hai aap kee
mamnoon

[Baniaz Khan]

Re: Pakistan kaa 64vaaN saal yaum e aazaadee (2011) aur hum

janaab moHtaram baniazkhan SaaHeb
Allah rabbul izzat aap ko sadaa Khush rakkhe keh aap ne nah Sirf mujhe paRhaa balkeh meree taa'id bhee farmaa'ee
baRee inaayat hai aap kee
mamnoon

Janab
main ye samjta hoon k jitna thora boht mera ilm hai us k mutabiq muje har sach bat ki taeed karni chayeei.
Thanks for appreciating

[Ismail Ajaz]

Re: Pakistan kaa 64vaaN saal yaum e aazaadee (2011) aur hum

Janab
main ye samjta hoon k jitna thora boht mera ilm hai us k mutabiq muje har sach bat ki taeed karni chayeei.
Thanks for appreciating

Allh paak aap ko humeshah humeshah Khush rakkhe
Allah aap ko jaza eKhair se nawaaze
aameen