gulshan meN hum ne jab se yeh kaaNTe ugaa'ey haiN

[Ismail Ajaz]

Haalaat e Haazrah par mabnee kuchh Khayaalaat aibaab kee nazr Khayaal ke aadaab ke saath

arz e Khidmat hai

gulshan meN hum ne jab se yeh kaaNTe ugaa'ey haiN
phooloN ne zaKhm apne badan par sajaa'ey haiN

Khud par sitam ko saihte huwe yaad nah rahaa
keh muddatoN ke ba'Ad hum bhee muskuraa'ey haiN

iss matlabee zamaane meN kis se kareN gilah
apne bhee hum ko lagne lage abb paraa'ey haiN

ulfat kaa yeh iZhaar naheeN hai tow phir hai kyaa?
palkoN peh hum ne aaj bhee aNsoo sajaa'ey haiN

maaHaul pur fitan hai tow jeenaa muHaal hai
kyuN jaan o dil jigar ne aise zaKhm khaa'ey haiN

manzil kee justujoo meN kaheeN kho ga'ey haiN hum
anjaan raastoN meN qadam laRkhaRaa'ey haiN

ilzaam bewafaa'ee kaa mat deejiye humeN
jab paikar e wafaa ke alam hum uThaa'ey haiN

phir raihbaroN ke roop meN raihzan humeN mile
jab dushmanoN ne hum se maraasim baRhaa'ey haiN

lo aaj dostoN ne humeN dhokaa de diyaa
kaise "Khayaal" zindagee ne Zulm Dhaa'ey haiN

Ismail Ajaz Khayaal

[life.]

Re: gulshan meN hum ne jab se yeh kaaNTe ugaa'ey haiN

bohat aala..