patthar tumhaare seenoN meN dil ke bajaa'ey haiN

[Ismail Ajaz]

yaaraan e bazm peGham Zara sochiye aaKhir kab tak yuN hee hotaa rahe gaa ?

arz kiya hai

patthar tumhaare seenoN meN dil ke bajaa'ey haiN
Zulm o sitam ke tum ne woh manzar dikhaa'ey haiN

abb aadmee kaa jeenaa o marnaa muHaal hai
yuN mushkiloN ne Zeest se paNje laRaa'ey haiN

insaan ke libaas meN HayewaaN hai aadmee
be His hai kitnee zindagee ,apne paraa'ey haiN

TukRe badan ke ho ke fazaa meN bikhar ga'ey
apne lahoo se lowg phir dekho nahaa'ey haiN

kaih rahaa hai waqt yeh ,aapas meN mat laRo !
jab dushmanoN ne haathoN meN KhaNjar uThaa'ey haiN

kis se kareN shikaayateN apnoN kee jaa ke hum
keh kiskee mehrbaaniyoN ke hum sataa'ey haiN

abb aa'ine meN dekh kar apne hee Aks ko
katraa rahe haiN Khud se hum nazreN churaa'ey haiN

rakhnaa tum bhee sab peh nazar aaj se "Khayaal"
dostoN ke bhes meN kuchh lowg aa'ey haiN

Ismail Ajaz Khayaal

[sarfraz_qamar]

Re: patthar tumhaare seenoN meN dil ke bajaa'ey haiN

Bohhat aalla janabb

[crystal_thinking]

Re: patthar tumhaare seenoN meN dil ke bajaa'ey haiN

bhot khob...

kaih rahaa hai waqt yeh ,aapas meN mat laRo !
jab dushmanoN ne haathoN meN KhaNjar uThaa'ey haiN

[Ismail Ajaz]

Re: patthar tumhaare seenoN meN dil ke bajaa'ey haiN

Bohhat aalla janabb

janaab moHtaram Sarfraz Qamar SaaHeb

Khush rahiye Allah aap ko jaza e Khair ataa farmaa'ey
mamnoon

[Ismail Ajaz]

Re: patthar tumhaare seenoN meN dil ke bajaa'ey haiN

bhot khob...

kaih rahaa hai waqt yeh ,aapas meN mat laRo !
jab dushmanoN ne haathoN meN KhaNjar uThaa'ey haiN

moHtaramah pIoUs FaIrY SaaHebah

aap kee tawajjoh aur inaayat ke liye mamnoon hooN.Allah aap ko khush rakkhe

duAa go

[Yaaram]

Re: patthar tumhaare seenoN meN dil ke bajaa'ey haiN

Bohat Khoob ... Bohat achi shayeri... Keep it up bro..

[Ismail Ajaz]

Re: patthar tumhaare seenoN meN dil ke bajaa'ey haiN

Bohat Khoob ... Bohat achi shayeri... Keep it up bro..

maiN aap kaa beHad shukrguzaar hooN ,Allah aap ko jaza e Khair ataa farmaa'ey

mamnoon