kaar e jahaaN daraaz hai abb meraa intizaar kar

[Ismail Ajaz]

Dr.Allamah Iqbal raHmatullaah alaih

kee zameen (kaar e jahaaN daraaz hai abb meraa intizaar kar)
arz e Khidmat hai

kaar e jahaaN meN ghir ke tuu uqba nah sharmsaar kar
baaGh e bahisht ke liye taqwa bhee iKhtiyaar kar

hosh o Khirad shikaar haiN ,qalb o nazar beemaar ke
raft e safar tuu ruKh SaHeeH se Khud ko humkinaar kar

tuu hai muHeet e qalb o jaaN mat ghoom phir yahaaN wahaaN
Khudee ko DhooND Khud meN tuu aur Khud peh aashkaar kar

eemaan aur yaqeen kee bunyaad par jee le Zaraa
islaam kee aawaaz par yeh zindagee niCaar kar

naGhmah nau bahaar kee tuu faSl e gul ugaa ke abb
khilaa de ulfatoN ke phool har taraf bahaar kar

gesoo e taabdaar ke saiHar se tuu nikal ke aa
"Khayaal" ilm o aagahee se dil ko taabdaar kar

Ismail Ajaz Khayaal

[Nadia khan]

Re: kaar e jahaaN daraaz hai abb meraa intizaar kar

wah jee wah
baut hi zabardast

[Ismail Ajaz]

Re: kaar e jahaaN daraaz hai abb meraa intizaar kar

wah jee wah
baut hi zabardast

Khush rahiye Nadia Khan

beHad shukriyah aap kaa