"na'ey zamaane meN aap aakar puraanee baateN sunaa rahe haiN"

[Ismail Ajaz]

ek taazah kalaam (taraHee Ghazal) pesh e Khidmat hai yaaraan e maiHfil e peGhaam ke chaahne waaloN kee Khidmat meN baad az aadaab o tasleemaat ke arz kiya hai


"na'ey zamaane meN aap aakar puraanee baateN sunaa rahe haiN"
humaaraa dil gudgudaa ke dhaRkan humaare dil kee baRhaa rahe haiN
yehee adaa'eN haiN qaatilaanah keh jin peh hum mar miTe haiN jab se
ke aap jeevan guzaarne ka saleeqah hum ko sikhaa rahe haiN

humaare jeevan ke saaHiloN par jo pyaar kee laihreN uTh rahee haiN
yuN lag rahaa hai keh saagar e dil meN aap halchal machaa rahe haiN
humaaree Khaamosh zindagee meN muHabbatoN kaa jo silsilah hai
usee tasalsul o daa'ire kaa haiN aap markaz bataa rahe haiN

hai chaar din kee yeh zindagaanee keh jis ke har pal meN hai taGhayyur
aur aap haiN keh har ek lamHah humaare dil ko lubhaa rahe haiN
safar Hazar jiskaa Aarzee hai Khushee Ghamee jiskee Aarzee hai
kyuN aap aisee Ajeeb duniyaa ke Khwaab hum ko dikhaa rahe haiN

humaare jeevan meN aap aa'ey yehee humaare liye bohot hai
humaare dil ko churaa ke hum se kyuN aap nazreN churaa rahe haiN
humaaraa jeenaa o marnaa abb tow "Khayaal" chaahat meN aap kee hai
lagaa ke hum se hee dil ko peechhaa kyuN aap humse chhuRaa rahe haiN

Ismail Ajaz Khayaal

[*Hala*]

Re: "na'ey zamaane meN aap aakar puraanee baateN sunaa rahe haiN"

buhut khoob thi naye zamaane mein ap akar purane batien suna rahi thi...

[crystal_thinking]

Re: "na'ey zamaane meN aap aakar puraanee baateN sunaa rahe haiN"

safar Hazar jiskaa Aarzee hai Khushee Ghamee jiskee Aarzee hai
kyuN aap aisee Ajeeb duniyaa ke Khwaab hum ko dikhaa rahe haiN

kia khoob likha apny parh k bhot acha laga...

[Ismail Ajaz]

Re: "na'ey zamaane meN aap aakar puraanee baateN sunaa rahe haiN"

buhut khoob thi naye zamaane mein ap akar purane batien suna rahi thi...

*HALA JEE*

Khush rahiye,Allah aap ko jaza e Khiar ataa farmaa'ey

[Ismail Ajaz]

Re: "na'ey zamaane meN aap aakar puraanee baateN sunaa rahe haiN"

safar Hazar jiskaa Aarzee hai Khushee Ghamee jiskee Aarzee hai
kyuN aap aisee Ajeeb duniyaa ke Khwaab hum ko dikhaa rahe haiN

kia khoob likha apny parh k bhot acha laga...

*pIoUs FaIrY*

Allah aap ko humeshah Khush rakkhe ,beHad shukriyah aap kaa

[majidshah]

Re: "na'ey zamaane meN aap aakar puraanee baateN sunaa rahe haiN"

very nice khaayl sb..
khoobsoorat zameen umda ghazal kahi aap ne
behud shukria

waslaam
SHaheeN KHawaJA

[Ismail Ajaz]

Re: "na'ey zamaane meN aap aakar puraanee baateN sunaa rahe haiN"

very nice khaayl sb..
khoobsoorat zameen umda ghazal kahi aap ne
behud shukria

waslaam
SHaheeN KHawaJA

janaab moHtaram SHaheeN KHawaJA SaaHeb

salaam aur shukriyah aap ke Huzoor pesh e Khidmat hai

niyaazmand

Ismail Ajaz Khayaal