Hiko

[Dr Maqsood Hasni]

Barash barsi to kal shab bher
Jevan kay jaltay sholoon main
Roop Kanwar yad aae mujh ko

[Muhammad Khalil]

Re: Hiko

Behtreen..

[Yaaram]

Re: Hiko

Acha hay Bohat khooB :)

[aik_lerki]

Re: Hiko

nice

[Dr Maqsood Hasni]

Re: Hiko

Jiss mohabbat say navaza gaya hai samjh nahain pa raha os ka kiss tarah or kin alfaz main shukrreaa ada karoon:jazak:

[Muhammad Khalil]

Re: Hiko

bus aisy hee share kerty hain i loce Hikos

[*Rida*]

Re: Hiko

Assalaam-0-Alaikom

very niceee

[RulzZ]

Re: Hiko

Barash barsi to kal shab bher
Jevan kay jaltay sholoon main
Roop Kanwar yad aae mujh ko

As Salam o Alaikum,

Sir maiN nay kaheeN paRha tha kay Hiko main 1st aur last shair hum qafia hotay hain :cc:

[Dr Maqsood Hasni]

Re: Hiko

Ahbab ki bay'panah navazeshoon ka bohat bohat suherea

[gazal_uzma]

Re: Hiko

ya its true scorpion
hiko main 1st and 3rd misra hum qafiya hota hay hiko basically japnies poetry style hay jo ub urdu main bhi shamil ho rahi hay
dr sahib
aap k misray bohot khubsorat hain but i think we can not say tht it is hiko. wht u say?
awaiting 4 reply
regards
uzma khan

[Dr Maqsood Hasni]

Re: Hiko

main nay es moaamlay per kuch lekha hai. kaghaz kahain ether oother ho gaya hai. aj kal main talash kar loon ga
aap nay jiss tarah say dilchaspi dekhae hai os kay lea meherbani
Allah aap ko kuch rakhay

[Dr Maqsood Hasni]

Re: Hiko

URDU HYKO HIAT OR TAGHERAAT PER MUKHTASAR GUFTAGU

Hyku main bunyadi cheez os ka nazreaa-e-tekhleeq hai jabkah haet sanvi moaamlah therta hai. Nazrea-e-takhleeq main teen batain aati hain:

1- Kisi cheez, khasusan fitri or qudrati aanasar per pehli nazar peray os nazar kay hawala say peda honay wala ta’asar
2- Os peda honay walay ta’asar ko ossi tarah jaysa wo hai qalam
kaghaz kay hawalay kar dayna
3- Peda honay walay ta’asar main kisi qesam ki tabdeli or aalodgi
nahain honi chahea. Agar tabdeli ho gi ya ki ja’ay gi to ossay hyku ka naam dayna manasab na ho ga
Hamaray haan jab Dr. Mohammad Amin nay es senaf-e-sukhan ko motaraf karvaya to darj-e-bala ammoor ko avaleat hassal rahi tahum
es kay lea teen mesray (lines) qarar pa’ay. Chand masalain malahzah hoon:

Yah safar hai, qayam hai, kiya hai
Yah masafat kah teh hoe na kabhe
Zindgi kiya hai ratjagoon ka safar (Mohammad Amin)

Sabr lekha gaya lahoo say tery
Tashnagi so rahi the khimoon main
Sath os kay Farat behta tha (Akhtar Shamar)

Dobti hai kabhe obharti hai
Hiratoon kay khulay somandar main
Merri sochoon ki dolti nao (Bashir saefi)

Mujh ko etni se roshni day day
Dil kay kamray main beth kar pal bher
Apnay halaat-e-zindgi pher sakoon (Hidar Gardayzi)

Baad azaan es kay ovazan per mobahas ka silsala chal nikla or es kay lea 17(5-7-5) arkan ki pabandi lazam therri. 1986 main Maqsood Hasni kay nasri hyku ka majmoah “Sapnay Aglay Pehhar Kay” shaya howa. Khayal tha kah yah achchi khasi tunqeed ka nashana banay ga lekin es majmuay ki bari tehseen-o-pazerae hoe. Es kay mukhtalif zobanoon main tarajam howay. Nasri hyku ko pesh karnay ka bunyadi maqsad yah tha kah obernay walay ta’asar bahartoor kisi bhe hawala say majro nahain hona chahea. Nasri kalam main aahang ko bunyadi heseat hasal hoti hai. Aahang darhaqeqat tovazan (Balance) ka dusra naam hai. Batoor namona kuch hyku malahzah hoon:

Jevan kay pechlay pehar
Aglay pehar kay sapnay
Sonay nahain daytay aksar

Aao zohad-o-taqa
Taqleed-e-aasar main
Pamela kay naam kar dain

Makhe ghaleez to hai
Apni hat main lekin
Naak ki dushman hai



Kala kava
Kali ratoon main
Mehman ojaloon ka

Dr Sabar Aafaqi ka kehna tha kah yah hyku nasri nahain hain. Oon kay motabaq her mesray main wazan hai or tenoon mesroon kay ovazan alag say hain.
Batt zara mazeed aagay bhari to hyku kay pehlay or tesray mesray ko humqafeaa hona zaroori qarar day deya gaya. Maslan sha’er Ali Sha’er ka yah Hamdea Hyku malahzah farmaein:

Naam adab say lay
Saray ojalay phelay hain
Esam-e-Mohammad say

Assal moaamlah yah hai kah mahajar apnay deas ki samaji, moaashi, emrani, masherti or nafasyati rovayaat sath lata hai lekin dusri valaet main yah sab nahain chalta. Ossay os kheta-e-araz kay hawala say jena paray ga warna mohajar ka mohajar hi rahay ga. Yahaan es batt ko bhe bhoolna nahain chahea kah wo huko ka ebtadae door tha. Ensan ki tarah asnaf-e-sukhan waqat kay sath tagheraat say guzartein hain. Ghazal ko dakh lain gham-e-janaan kay hesar say nikal kar gham-e-doraan or gham-e-rozgar tak aa ponchi hai. Ehhad-e-Meer or aaj ki ghazal ko dakh lain fiqri or asloobi etbar say zameen aasman ka faraq nazar aa’ay ga. Tahum es ki eak cheez tura-e-amteyaz rahay gi wo es ka godaz or reshmeat hai.Yah silsala roknahain gaya ga. Khuda janay aatay waqtoon main kahaan tak ponchachy. Ungint tajarbay hoon gay or essi ka naam zindgi hai. Bhala hyko en tajarbatt say kayoon kar bach pa’ay gi. Tajarboon ka rasta nahain rokana chahea, yah zoban asloob or fiqar kay lea sum-e-qatal hai bawar rahay rasta rok bhe nahin sakta. Zindgi ko to chaltay rehna hai. Meray ya kisi or kay kehnay say zindgi or es say motalaq tagheraat rok to nahain satay.

Hyku aaj Urdu ki maqbool tareen senaf-e-adab hai. Es main tajarbay ho rahay hain. Humdea, Nateaa or Hussani hyku taklhleeq pa rahay hain . Yah sab Japani hyku main kahaan hai. Es lea yah kehna zayada monasab ho ga kah hyku nay Urdu ka mazaj, saliqa, toor, asloob, andaz or chalan ekhtayar kar leaa hai. Aaj essay badaysi nahain kaha ja sakta. Chand Japani hyku malahzah hoon. Es say mozoaat ka faraq wazey ho ja’ay ga:



Baraf
Jo hum donoon nay dakhe the
Kiya es sall bhe girray gi (Basho 1644-1694)

Tunhae bhe
Mosarrat hai
Sham-e-khezaan (Yosa bosan 1716-1784)

Kitni hosein hai
Darwazay kay sorakh say
Kehkashaan (Kobashi asa 1763-1828)

Barsaat
Gher ka rasta selabi hai
Or mandak wahaan taer rahay hain (Masaokashiki 1867-1902)
(Zarad Pholoon Ki Khoshboo,
Motarjam Dr. Mohammad Amin,
Victri Book Bank, Lahore 1992)

Aaj ki Urdu or farsi ghazal qareeb qareeb ho kar bhe apna joda rang dhang or rang-o-roop rakhti hai. Aysi hi surat Japani or Urdu hyku kay sath darpesh hai. Yah koe nae batt nahain, Hyko nay urdu mazaj ko kushdelli say apnaya hai. Es ki yah kush mazaji or kushdelli hi es kay punpanay ka sabab bani hai.