ishq

[Brijinder]

Ishq


Ishq junooN bhi hai sanjeedgi bhi hai
Yeh hawis bhi hai pakeezgi bhi hai
Shokhi bhi hai ishq-
Baanki adaaoN pe lutnay ka naam bhi hai
Rooh-e-irtqa-e-dil-o-dimagh bhi-
Zindagi ko samjhnay ka naam bhi hai
Ishq masroofiat bhi fursat bhi hai
Ishq qurbat bhi aur furqat bhi hai
Ishq rif_at bhi aur wus_at bhi hai
Aur ishq kabhi faqt chahat bhi hai
Yeh masoomiyat bhi rikhshandgi bhi hai
Bosa hai to kabhi bandgi bhi hai
ZamiN bhi hai aur aasmaN bhi hai
Magar ufaq ka ismay nishaN bhi hai
Kabhi bistar ki salwaton sa-
To kabhi mandir ki moortoN sa
Kabhi uryaanioN ka shaida
To kabhi Meera-o-Mariam ki soortoN sa
Ishq rog bhi magar mudawa bhi hai
Ishq parastish bhi magar da_awa bhi hai

RishtoN say sada juda hai ishq
Isliyay hi bana khuda hai ishq
---------------------
Meaning:
Rooh-e-irtqa-e-dil-o-dimagh -ehsaas aur khyaaolon ki tarakki ki aatma
furqat-Judai.rif_at -uNchai, wus_at -vishaalta
rikhshandgi- masti,ufaq -Horizon,uryaanioN-nudity

[Soulmate]

Re: ishq

nice sharing

[thefire1]

Re: ishq

Wah kia baat hay Brijinder sahab, bohat hi khoobsurat aur mukammal thereer hay aap kay, you have covered almost every feeling of love in your poetry.... it shows that how closely you have observed and how deeling you thought about it... likhna itna asaan nahin jab tak insaan uss tehreer ya uss ehsaas kay har aik rang say waaqif ho aap nay ISHQ kay itnay rang bayan kiya hain jis say aap ki gehri soch aur aap wasee khayal ka bakhoobi andaaza hota hay, love to read from you, please keep writing.. khush rahyeh :)

[Brijinder]

Re: ishq

Thanks a lot for the beautiful words of appreciation.I hope this poem lingers in your mind for some time.
Kind regards
Brijinder