Waqt Say

[Brijinder]

Waqt Say

Apnay khaNjar ko jaisay chahay aazmaa lay
Ki teri hasrat bhi na rehay baaki
Jab talak chaahay latka lay mujhay
TanhaaioN ki saleeb
Jab talak chaahay aasraa na day
Meray thakay muqaddar ko
Tujhsay nighaiN milaanay ka jurm kiya
Jaantaa hooN
Magar us jurm pay fakhar hai mujhko
Naaz hai mujh ko
Zabt kar tu apni yeh badghumaan haNsi
Ki main ab bhi tujh say reham ka talabgaar nahi
Aayaa hooN jo laykar apna lahuluhaan wajood
To sirf itna bataanay

Ahad meray kay kadam na dagmagaiNagay
Jab talak raushan haiN meray khwaaboN kay chiraagh
Tu kuch bhi nahiN


------------------------------

[Masood]

Re: Waqt Say

“Ki tu bara lay tareeqiaN kitni bhi magar
Ahad meray kay kadam na dagmagaiNagay
Jab talak raushan haiN meray khwaaboN kay chiraagh
Tu kuch bhi nahiN
Kuch bhi nahiN”

Hamesha ki tarha aik naee jiddat key saath aap tashreef'farma hotey hain Brijinder Ji. Hamesha ki tahra aap key kalaam ki khoobsurati apni misaal aap hai. Ahad har cheez key aagey faulad hai - aur is faulad sey koi bhi nahin takraa sakta.