Sazaa

[Brijinder]

Sazaa

Na raatoN ko hui naseeb apnay khwaaboN ki tabeer
Na din meray nay payaa apnay ujaalon ka humnashiN
Na mili sera-e-jahaaN main zeest ko thandi chaaNv
Na jazbaat meray nay paayaa aqs apna kahiN

Tu to tha mushtaaq haqeeqat ki gawaahi hai
Shiddat-e-khuloos magar bani teri tabaahi hai
Tunay gaRd main reh kar shaffafi kay geet gaayay
Ziqr gulshanoN kay teri barbat pay kiyuN ki aayay

Yeh jurm-e-intahha tamddun say hota nahi gawaraa
Tareekh kar rahi hai sadion say yeh ishaaraa

Aqeedat-o-takddus kay auhaam main thay jo mastoor
UriyaaN kar diayay tunay tehzeeb kay woh sub nasoor

Ab isliay ta-umr tanhaaion main teh
Tu mehfiloN say door parchaion main reh
Ja ab tera koi nahiN
-------------------------
Meanings:
Mushtaaq-one who wants to know
Shiddat-e-khuloos-intensity
Shaffafi-pure
Barbat-a musical instument
Jurm-e-intaha-extreme sin
Tanddun-civilsation
Aqeedat-o-takddus--faith n pious
Auhaam-- veham(illusions)
Mastoor--chupay huay

[thefire1]

Re: Sazaa

wah janab bohat khoob, aap ki tehreer main bohat gehrayi hay, soch-o-fikar ki bulandi hay... aur jo sazaa aap nay dee hay woh waqyi baRi khatarnaak hay yaani wehshatoon aur tanhayion ki saza... isi tarhan likhtay rahay, bohat acha likhtay hain aap :)

[Brijinder]

Re: Sazaa

Thanks a lot for the beautiful words of appreciation.

[WASI ANJUM]

Re: Sazaa

bahot khoob sagar sahib nice poetry

[Brijinder]

Re: Sazaa

Wasi saheb,I am sorry for being late in reply.I am thankful for your kind words.
Regards