Apnay batay kay Naam

[Brijinder]

APNAY BATAY KAY NAAM

NanhaiN pairoN pay dorta bachpan
HaNsta gaata muskurata bachpan

Teri kilkaarioN main sabaaN kay jhoNkay
Teri shokhi main bahaaroN kay aNdaaz
Teri udaasi say tarap jaayay kahkashaaN saari
Teri tutlahat main raagoN ka riyaaz

Koi Suqraat bhi kya teray zauq-e-talab kay aagay
Teri masti ki raqs maiN ho jaisay hyaat
Teray laboN pay khailti hai aisay shffaaf haNsi
Ki shrma jayay issay parioN ki bhi zaat

Tu hai meray jism-o-rooh ka qalaam
Teri ghardish main meri hasti ka nizaam
Tujhsay Hai masrrat kay phir raushan chiraagh
Teray irtiqa main nihaaN meray teerath-o-dhaam

Aur Ai meray lakht-e-jigar
Yeh hai khud say ahad mera
Ki na ban jayay baar tera
Yeh tmaam pyaar mera
Aur parwaazoN main teri
Na ho meri tamnnaoN ka beseraa
__________________

[Yaaram]

Re: Apnay batay kay Naam

MashAllah bohat khooooob :) Allah unhain zindgee de Ameen

[Brijinder]

Re: Apnay batay kay Naam

Thanx for the warm words of appreciation.
Brijinder"sagar"

[Aania]

Re: Apnay batay kay Naam

very nice ....