Wasl kay woh lamhay

[Brijinder]

Wasl kay woh lamhay

Meray kaandhay pay apna sar rakhay
Band aankhoN maiN kai khwaab liayay
Larazaty huyay lub aaNchal maiN chupayay
Aur jazboN kay sad-sailaab liayay

Meri kameez kay buttonoN say khailti ungliaN teri
Chayar rahi ho jaisay kisi raag ki dhun
Teray aarizoN pay har dum badlatay taassur
Rahi ho kudrat jaisay koi jaadu sa bun

Khaloos itna ki paimaana-e-shakhsiyat jayay chalak
Saadhgi aisi ki milay usmaiN Mariam ki jhalak
Lutaanay lago jab tum apni adaaiN nasheeli
Utar aayay Menaka jaisay chor kar apna falak

Khusboo teray badan ki lagay sharaab mujhay
TujhmaiN mil jayay har swaal ka jwaab mujhay
Aur jab pyaar say bulao tum mujhko "Sonu"
koi Mil jayay jaisay azeem khitaab mujhay
------------------------------

Meanings: Menka-Mytholigical charactor known for her seductive powers azeem-bahut bara

[WASI ANJUM]

Re: Wasl kay woh lamhay

Bahot khoob janab

[Brijinder]

Re: Wasl kay woh lamhay

Wasi saheb,I am very thankful for the kind words.

[Masood]

Re: Wasl kay woh lamhay

Extremely beautiful wording

[Brijinder]

Re: Wasl kay woh lamhay

Thanks a lot for the kind words,Masood bhai