Ishq-2

[Brijinder]

ISHQ-2

AhsaasoN ki ghurbat ka muqaam hai
Ishq jab benoor perstish ka sabub ban jayay
Hawas ki hud say aagay jiska koi da_ava nahiN
Us ahsaas ka shumaar zikr-e-muhabbat maiN kyuN aayay

Ishq nighaahaiN milnaiN say hi nahiN pa laita apna wajood
Bahut mushkil hotay haiN in raahoN kay usool
Koi jab ban pehchaan apnay khyaaloN ki milay
Jab lehraayay kisi chehray maiN apnay ahsaaoN ki pehnaai
Maaini ishq kay tab jalwagar ho kay miltay haiN
JismoN ki dosti phir bus hawas ki bunyaad nahiN
Muhabbat ka kudrati sabub ho kay milti hai

Woh jo kehtay haiN ki jazbaat kisi usool ka haamil nahiN
Khumaar-e-dast-junooN tak say bus wabasta haiN
Un past roohoN say jo na hui tai ishq ki bulaNdiaN
Hawas-o-benoor parstish ko ishq ka paikar diya

Aur sadioN say yahi unka beemaar paimaanaa
Ishq bun kay reh gaya bus ik harf-e-mujrmanaa
Utho tehzeeb-e-nau kay humraaho
Ishq ko phir say khoya maayni lauta do
Aur duniya ko yeh samjha do
Ki-
Jazbaat ka hospur tarjuma hai Ishq
Isliyay hai banaa khuda hai ishq
-----------------------------------------

Meaning:
Benoor parstish-Blind devotion, Pehnaai-Vishaalta(bigness)
Khumaar-e-dasht-junooN- Diwaangi kay jaNgal ka nashaa
Harf-e-mujrmanaa- apraadhpoorn shabd, Tehzeeb-e-nau-new world,Hoshpur-conscious

[Ali jee]

Re: Ishq-2

bohat hi khubsurat nazm he aik dear

[Brijinder]

Re: Ishq-2

Thanks a lot for the kind words.Hope it lingers in your mind for some time.

[wajid hanif]

Re: Ishq-2

inpage main likh kar post keya karen plz ..bura mat mana aap bs wase zayda acha aur bs acha hota hai

[Brijinder]

Re: Ishq-2

What is inpage??I will post in that if I know it,no problem.

[life.]

Re: Ishq-2

v nice poetry

[Masood]

Re: Ishq-2

Ishq nighaahaiN milnaiN say hi nahiN pa laita apna wajood
Bahut mushkil hotay haiN in raahoN kay usool

Waah, kaii dino baad aap ki shairi parhney ka moqa mila, aur kya khoob likha hai aap ney bohat aala!

[Brijinder]

Re: Ishq-2

I am thankful to both of you for the warm words of appreciation.And Masud bhai,i was pleasantly surprised to see your message.Hope all is well.I hope that this nazm lingers in your mind for some time.
Regards