Shayar

[Brijinder]

Shayar



Shohrat ka nahi saudai shaayar
Daulat bhi nahi iska nishaanaa
Bus bhatkay hai dil dil ki mehfil
k mil jayay koi chehra-e-daanaa

Umr apni tehzeeb ko day jaataa hai shaayar
JazboN ko neeNd say jagaa laataa hai shaayar

Safar-e-shayar kaho ya naam laylo tanhai ka
k itna dushwaar hai jeena laal-e-khudai ka

Afkaar iskay aadmi kay bhoolay huay ahsaas
JunooN iska mehw-e-neeNd main say jaagoN ki talaash

Nahi pehchaany parwaazaiN iski daur-e-zamaanaa iska
Dariya-e-haazir main hai shayar ik safinaa-e-fardaa

Tasleem-e-shaayar hai gar aadmiyat ko pa jay aadmi
Muaaf gunaah sub hoNgay gar muhabbat ko pa jay aadmi.

------------------------

------------------------
Meaning;Daanaa-intellectual(wise),Laal-e-khudai-gem of nature, Afkaar-thoughts,Mehw-eneeNd-in the sleep,ParvaaIn-flights, Dariya-e-haazir-river of present,Safeenaa-e-fardaa-boat of future,Tasleem-e-shayar-recognition of poet

[*Hijab*]

Re: Shayar

Very Nice
Aur Meaning Bhi Bataye Hein Aap Ne
Very Good Effort Jee Very Nice

[sham-e-mehfil]

Re: Shayar

Bohat khob............