Kaisa hai yeh dil ???

[Brijinder]

Kaisa hai yeh dil???

Ab jab toot gayay haiN sub bharam to keh sakta hooN
MaiN juda ho kay bhi tujhsay shayud khush reh sakta hooN

Ab na tarsayNgi teray liyay nghaaiN meri
Ab na jaayNgi teri jaanib raahaiN meri
Ab na torayga mujhay teri furqat ka gham
Ab na tarpaygi teri liyay baahiN meri

Fason-e-gesu tera ab na karayga girftaar mujhay
Har din ab na rehaygi teri hasrat-e-didaar mujhay
Ab na hoga mujhay teri is berukhi pay raNj koi
Sangsaar na karygaa ab tera yeh gair sa kirdaar mujhay

Har ada teri ab na meray alfaaz main dhalygi
Tujhay paany ki tamanna na meray khwaaboN main palaygi
Ab na hoga aisa meri ziNdgi ka nizaam
Ki teray ruknay say rukay aur chalnay say chalygi

Kasam to lay nahi sakta maiN in sub ki
Koshish ka vaadaa khud say hai zarror magar
Kya karuNga kaisay saMbhalUnga kuch to bataay koi
Daikhogi kahiN tum ho kar udaasi maiN choor agar?

------------------------------------
Meanings: Furqat-judai, Fasoon-e-gesu--magic of your hair
-----------------------

[sham-e-mehfil]

Re: Kaisa hai yeh dil ???

Bohat khob............

[S.Athar]

Re: Kaisa hai yeh dil ???

Good Afternoon
waoo yar Bohat Khob.Nihayt Napay toly ilfaz ka istimal or Nihait he shandar tahrerr

tmam wady awr airady kar,kay Akhari Band Main Phir apni Majborion Par Ikhtitam Bohat He Acha Laga

Mazeed ka intizar Rahy ga

Aik Bat kahne thee K Font size thora Bara Rakha karin Thanks

[I Am In Love]

Re: Kaisa hai yeh dil ???

Wah Kia Baat Hay
Bohat Khoob
Keep Sharing...