Depression

[Brijinder]

DEPRESSION



Aankh khuli to har taraf tha murdaNgi ka nizaam
Aatshi bosay day rahi thiN jaisay sooraj ki shuaaiN
Nohagar thay jaisay subah ki thaNdi hawa kay JhoNkay
Har phool maiN tha bharaa jaisay gehray sog ka rang

Fazaa maiN jal rahi thiN jaisay har soo chitaaiN
Rooh pay chirak diya ho jaisay kisi nay bekasi ka tezaab

Badan kay har por maiN thi jaisay meeloN ki thakaan
Wajood shdeed afsurdgi maiN tha girftaar
Aur teergi dil-o-jaaN ki barhi jaati thi
Dil-o-dimaagh pay ik wehshat si charhi jaati thi

Hayaat inthaa bezaar si hui jaati thi
Pakar main nahi aa raha tha is zulmat ka koi sira
Raqsfarma tha j khud jaisay roosiyaah Iblees

Kya karuN kay karuN
Is dil ki wahshat ka maiN kya karuN?
Kya karuN kya karuN
Ta-ufaq phailee is dehshat ka maiN kya karuN?
Kya karuN?

----------------------------

[shummu]

Re: Depression

wah..bahut khoob...lafzon ka chunaoo aur andaaz-e-bayaan bahut dil ko chuu gaya..bada hi dilsoz kalaam hai...daad pesh hai..

[sham-e-mehfil]

Re: Depression

Very Nice.....

Thanx For Sharing.