Azm

[Brijinder]

AZM

Jo waqt ki aaNdhi main bikhar gayay
Nahi mujhko un tootay huay ghroNdhooN ka malaal
Na hi mujh main un maraahil ki qashis baaki
JahaaN bechan-o-ajnabi sa rahay daur-i-hazir ka swaal

Madhoshkun hai to bahut waqt-i-maazi main laut jaanaa
Pathar kay but banaanaa aur un pay sar jhukaanaa
Ik aqs-i-khuda bana kar khud ko khud gawaN kar
Bus jalwa-i-ghaib keh kar nijaat-i-swaalaat-i-aham paanaa

Meri nahi woh duniya mera nahi woh imaaN
Kashmkash-i-hyaat main nihaaN irtiqa-i-insaaN
Mafhoom-i-zindagi hai har din aagaay barna
BedaarioN ki lau pay ahud ko parakhna

Hosh ka dum bhar had-i-rasumaat say guzar jaanaa
Aqaayud ko riwaayut ki salaasil say chura kay laanaa
KhuddarioN kay asaas pay ik naya manzar banaanaa

Nabz-I-daur pakrana zulmat say yooN ubharnaa

Nighah-i-imroz farda pay tika kay
Ik bedaar ghroNda banaa kay
ChlaiN shaan say tamaddun kay qaafilay

-------------------------

[Brijinder]

Re: Azm

Kuch to hawa chalay.No feedback at all???Any critical comments???

Brijinder"Sagar"

[Muhammad Khalil]

Re: Azm

buhat khoob dear

[muskaan]

Re: Azm

bauhat hi achi nazam likhi hai aap nai :)

keep sharing :)

[Brijinder]

Re: Azm

Thanx Muskaan for the warm words of appreciation.I do need it and I treasure it.

Regards
Brijinder "Sagar"