Zindagi ki rou mein ye pata bhi na chala

[Brijinder]

Zindagi ki rou mein ye pata bhi na chala


DangoN meiN jab se daikha ik masla hua khwaab
Boseeda saaqi,berang maiqada aur kaRwi hai shraab

Mujhay aayaa na swaal bhi puchnay ka sha_ur
Aur sab yahaaN liyay phirtay haiN jwaabon ki Qitab

Mujhsay puchtay ho to jagaao khud meiN junooN aisa
Patjhar meiN bhi jo karay koshish-e-fasl-gulaab

Bharay zakhm kuraydogay to inki bu-e-lahu se
Phir harqat meiN aa jaaNgay tanhaaioN ke uqaab

Zindagi ki rou mein ye pata bhi na chala
Ki kab ana nay pehan liya khuddaari ka naqaab

--------------------------------

Brijinder"Sagar"

[Yaaram]

Re: Zindagi ki rou mein ye pata bhi na chala

Bohat khoob jee keep sharing :) very nice waiting for ur next one

[La'hasil]

Re: Zindagi ki rou mein ye pata bhi na chala

Wah buhat khoob :rose



buhat acha likha hai aap nay :)


khush rahyeah :rose

[Brijinder]

Re: Zindagi ki rou mein ye pata bhi na chala

Itni bharpur daad kay liayay bahut bahut shukriya,meharbaani.
Brijinder"Sagar"