Inki Saddaon Say Bachna

[Brijinder]

Inki sadaayon say bachna (Nazm)
by Brijinder "Sagar"


Yeh nafarat ki hawaaon pay palnay waalay
Ki mazhab jinkay hamesha khatray main haiN
Apnay khyaaloN ko pahnaai hai khud salaasil
Aur Dil quaid-tanha bahut kurakhat pehray main haiN

Ki jnooN nay jinkay pehna hai mazhab ka naqaab
Gunah-I-Qatl bhi jinko lagta hai swaab
Inki sadaayoN say bachna meray azeezo!

Yeh nanhay haathoN main baNdookayN day kar
Unkay zehanoN main zehar ki fasal bo daiN
Aur Yeh farda ki umeedaiN
Phir bun jaayaN imroz ka khauf

Apnay bemaar khwaaboN ko haqeeqat ka pa_irhun dainay kay liayay
Tw_avun ka zahar baant rahay haiN yeh is daur kay masihaa
Apni garmjoshi aur qumaqali kay sabub-
Yeh maazi kay sach ko bana daiN haazir ka faryub
Nafrat kay numaiNday haiN
Yeh mazaahib kay agwaai
Yeh shaitaan ki khufia fauj
Ghoom rahi hai har dil-o-zehan kay galiyaaroN main
Inki sadaaoN say bachna maray azeezo!

Chinaar-qud pyaam agwaa kar liyay
BonoN ki is jmaat nay
Kabhi hindu to kabhi muslmaN bun kar
Kabhi sikh to kabhi isaai ki shaql main
Is jmaat nay phaiNka hai
Tamaddun pay apna jaal
Aur khauf kay is kohray main har baar
KitnoN kay azeez la-pata ho gayay haiN
Inki sadaaoN say bachna maray azeezo!
Inki sadaaoN say bachna maray azeezo!

Poet: Brijinder "Sagar"
Location: Auckland, New Zealand

['SamRazi']

Re: Inki Saddaon Say Bachna

Buhut Achey Brijinder Jee, buhut alag sa andaz hai ap ka likhne ka :rose .

Share kerne ka buhu tshukriya, mazeed ka intezar rahey ga :rose

[khan]

Re: Inki Saddaon Say Bachna

AOA,


Wah hazrat bohat khoob lithe rahain ayr sonate rahain:rose


Sohail Abbasi.

[Yaaram]

Re: Inki Saddaon Say Bachna

Bohat Khoob Brijinder keep shairng

[Brijinder]

Re: Inki Saddaon Say Bachna

Thanx to all of you for the kind words.I think there is strong need for the senstive people to speak clearly against the narrow mindedness n fanaticism in every religion.This is just not the essence of any religion,I believe.
Brijinder"Sagar"

[Brijinder]

Re: Inki Saddaon Say Bachna

I request all of you to please share this nazm n thoughts like that with whom so ever you come into contact.This is the REAL need of the hour that few people with unswerving humanistic convictions come forward and keep the courage to say to those poeple who are the HIJACKERS OF THE RELIGIONS to lay off-hindu,muslim,christian ,sikhs alike.
Regards
Brijinder"Sagar"