Meri manzil

[Brijinder]

Meri Manzil


Meray khwaaboN ki taabeer abhi mumkin na thi duniya main
Isliayay unhaiN lafzoN main utaaraa hai mainay
Meray ahsaasoN ki pehchaan haiN yeh alfaaz meray


Ik tarjuma hai khyaaloN ka
GuNgay afqaar ki zubaan hai shaairi
Zin dagi say meri pehchaan hai shaairi

DuNd ka ajab des hai yeh khyaaloN ka jahaaN
Aur nasheela hai iski har raah ka dhooaN

Na aks dikhta hai Na naqsh ubhrataa hai
Pakar main aataa hai phir bikhrataa hai
Ghabraa jaataa hai aadami uktaa jaataa hai aadami
Aur phir say laut kar bevajah si zindagi jeetaa hai
Magar raas aayaa nahi mujhko us past duniyaa ka chalan
Zindagi hai aham phan jiska rahbar hai ilum

Alfaaz main bhatkan meri hai nau-mainee ki talaash
Us dhuNd ki duniay main jahaaN khwaabeeda haiN ahsaas

Phir lafz pairhan bantaa hai bedaar pehchaan bun kar
Aur nazay say hosh main zindagi badal jaati hai
Aura b
Jab jab koi lehraayaayga hosh ka parcham
Jab jab bhi koi baydaarioN ka dum bharygaa
Shaairi meri unhaiN raahoN main pahchaan bun kar milaygi

-----------------------------------

[sham-e-mehfil]

Re: Meri manzil

Very Nice.....
very beautiful