Ghazal: kia kia nahi milta

[sabeeh]

assalamoalaikum,
aik ghazal lay ker hazir huwa hooN....ummeed kerta hooN aapko pasand aaye geeee
aapka
sAbeEh

is shehr kay bazaar meN kia kia nahiN milta
phir bhee mujhay koi tiray jaisa nahiN milta

jo kuch dil e nakam ne chaha nahiN milta
manzil nahiN miltee kabhi rastan nahiN milta

lehja nahi milta kabhee chehra nahiN milta
dunia meN hamaiN aik bhi tum sa nahiN milta

chHoRa hay jo ghar aik tu dooja nahi milta
ab dil sa tiray koi Thikana nahiN milta

lashoN ke is anbar meN dhoonda, nahiN milta
booRhay ko buRhapay ka sahara nahiN milta

us qaum ki taqdeer ka Allah hee hafiz
haqdar ko jis jaga haq apna nahi milta

badal tu barastay heN jahaN bhar meN barabar
sehra ko magar aik bhee qatra nahi miltaa

kia zulm hay is shehr kay logoN pe ay humdum
ronay keliay dost ka kundha nahi milta

ghar choR kay apna koi pardes gaya thaa
kehta hay ke pardes meN saya nahi milta

koi khushee miltee hay tu miltee hay adhooree
gham jab kabhi milta hay akaila nahiN miltaa