laboN peh apne sajaale keh ikk haNsee hooN maiN

[Ismail Ajaz]

ek taazah kaavish peGhaam ke chaahne waaloN kee nazr biKhuSooS Khawaateen kee nazr,un beTiyoN kee nazr baihnoN kee nazr jo sharm o Hayaa kee chaadar auhRe chupp saadhe apnee qismat apnee taqdeer ke faiSloN ke aage sar Kham e tasleem bajaa laane meN maiHv e intizaar haiN,dil se duaa hai Allah paak tamaam bachchiyoN baihnoN beTiyoN ko nek o SwaaleH humpallah hum aahaNg rishtah e azdwaaj se munsalik farmaa'ey unheN dunyaa o aaKhirat kee KhushiyaaN aur izzateN ataa farmaa'ey (aameen)

laboN peh apne sajaale keh ikk haNsee hooN maiN
tuu dil meN apne basaale keh ikk Khushee hooN maiN

KhizaaN raseedah se mausam kee hai hawaa har soo
abb aake mujh ko bachaale keh ikk kalee hooN maiN

sabhee haiN saNg tire apne maasiwaa mere
gale se mujh ko lagaale keh ikk paree hooN maiN

sajaale aaNkoN meN apnee tuu meeThe se sapne
yaa chashm e nam meN chhupaale keh ikk namee hooN maiN

mujhe yuN kab talak aise naheeN mile gaa tuu
"Khayaal" apnaa banaale keh ikk tiree hooN maiN


Ismail Ajaz Khayaal

[Max_]

Re: laboN peh apne sajaale keh ikk haNsee hooN maiN

[crystal_thinking]

Re: laboN peh apne sajaale keh ikk haNsee hooN maiN

bhot umda ISMAIL G...


sabhee haiN saNg tire apne maasiwaa mere
gale se mujh ko lagaale keh ikk paree hooN maiN

mujhe yuN kab talak aise naheeN mile gaa tuu
"Khayaal" apnaa banaale keh ikk tiree hooN maiN

zabardast

[Ismail Ajaz]

Re: laboN peh apne sajaale keh ikk haNsee hooN maiN

khush rahiye Allaj aap ko jaza e Khair ataa farmaa'ey
baRee inaayat hai aap kee

[Ismail Ajaz]

Re: laboN peh apne sajaale keh ikk haNsee hooN maiN

bhot umda ISMAIL G...


sabhee haiN saNg tire apne maasiwaa mere
gale se mujh ko lagaale keh ikk paree hooN maiN

mujhe yuN kab talak aise naheeN mile gaa tuu
"Khayaal" apnaa banaale keh ikk tiree hooN maiN

zabardast

bohot shukriya baihn

Allah aap ko Khush rakhe,salaamat rakhe