Aafia siddiqui ko reha karo

[dr athar hussain siddiqui]

ASSALM-O-AALAIKUM WA RAHMATULLAH

DR,Aafia siddiqui hamaree bahan aur hamaree baitee Zalimoo ki qaid mey hey us key leye dua aur koshish karein . mein ne apney jazbatt ko chandd aashar ki soorat mein paish kya hey aap is ko zyada se zyada logon ko forward karein thanks,

Logo Aafia siddiqui Pakistan ki baitee hey

Ek ki nahein her Muslman ki betee hey

Yad rakhko apnee duaon mein usko



Wo Doctor Aalma aur Hafiz-e-Quran bhee



Fakhar us per jitna bhee karoo kamm hey

Dukhtar-e-islam hey Quran kee betee hey

DR,Aafia Siddiqui key faisley key baad Aapney jazbat Aap se share kar rahahoon.

Darss daitay ho haqooq-e-niswan ka tumm

Shoor machatey ho haqooq-e-niswan ka tumm

Sanf-e- nazuk per jabar baesay sharam hey

Din manatey ho haqooq-e-niswan ka tumm

Koonsee tehzeeb key alambardar ho tumm

Mazaq uratey ho haqooq-e-niswan ka tumm

Aurat ko haya se mehroom karney waloo

Jhanda lehratey ho haqooq-e-niswan ka tumm

Havwa ki baitee ko raha karo Aafia siddiqui ko raha karo

Zameer apna zinda karoo Aafia siddiqui ko raha karo

Insaf ka khon na kya karo Aafia siddiqui ko raha karo

Zulm na itna kya karoo Aafia siddiqui ko raha karo

Sharm thore kya karoo Aafia siddiqui ko raha karo

Aawaz-e-khalq suna karo Aafia siddiqui ko raha karo

Jurm per nadim howa karo Aafia siddiqui ko raha karo

Havwa ki baitee ko raha karo Aafia siddiqui ko raha karo

____________________________KALAAM, ATHAR NARVI___________________________
------( DR ATHAR HUSSAIN SIDDIQUI AL- MAROOF IBNE SULTAN NARVI)

---(YA ELLAHI MUJHE ACHHI BAT KEHNEY KA ACHHA SALIQA DEDEY AAMEEN)

##########---E- mail: atharnarvi@yahoo.com---############

[Ismail Ajaz]

Re: Aafia siddiqui ko reha karo

[/B]

janaab moHtaram Dr athar hussain siddqui SaaHeb

salaam aur shukriyah kaa nazraanah aap ke Huzoor keh aap kee giraaNqadr taiHeer cheeKh cheeKh kar apne paRhne waaloN ke dil o dimaaGh ko jhiNjhoR jhiNjhoR kar poochh rahee hai keh aaKhir kyuN aaKhir kyuN muslamaan kyuN Khaamosh hai ???????

Allah aap ko jaza Khiar ata farmaa'ey uss nek aur paarsaa duKhtar e Pakistan ne Khud kaha hai keh yeh ek imtiHaan hai uskee wajh se amn o amaan ko kisee qeemat par bhee aaNch mat aane deejiye,Allah jinse qurbaanee maaNgta hai tow unheN Caabit qadmee se bhee nawaaztaa hai,rasool e pak alaihee salaam ke daNdaane mubaarak shaheed kiye ga'ey baRe baRe jayyid SaHaabah kiraam shaheed kiye ga'ey sayyadanaa HASAN O HUSAIN ridhwaanullah ajma'een shaheed kiye ga'eyaisee bepanaah miCaaleN humaare saamne haiN jab ummat e muslimah ke barguzeedah lowgoN ne apnee jaanoN kaa nazraanah pesh kiya islaam ke liye

aafia siddqui ke liye Allah ne woh saaree saKhtiyaaN aasaan farmaa dee haiN jo unpar zaalim aur jaabir lowg Dhaa rahe haiN usee taraH jaise ibraahim alaihee salaam ke liye Allah baaree ta'aalaa ne aag e namrood gul o gulzaar banaa dee thee

Allah is qaum kee betee kee qubaaniyaN qubool farmaa'ey us raaHat o istiqaamat ataa farmaa'ey uskee duniyaa o aaKhirat achhee farmaa'ey

aur allah aap ko bhee jaza e Khair ataa farmaa'ey keh qaum e pakistan se aap muKhaatib huwe aur Huqooq e niswaaN ke alambardaaroN ke saamne Haq kee aawaaz bulaNd farmaa'ee

aakhir meN aap ke kalaam kee jaanib tawajjoh chaahooN ga keh

Dukhtar-e-islam hey Quran kee betee hey

Ghaaliban aap likhnaa chaahte haiN keh
Dukhtar-e-islam SaaHeb e Quran kee betee hey

kyuN keh Qur'aan kee betee lkhnaa SaHeeH naheeN hai

ummeed hai aap ise durust farmaa deN ge

muKhliS

Ismail Ajaz Khayaal