~~~abu bin adham~~~,,

[*Chanda*]

AbU BIN Adham per ho rehmat KHUDA ke
hOwa khuwab E Sheerein sE bedar bedar ik Shab

wO kiya dekhta hy k nOOr E Qamar sE

darakhShan hain kamry k deewar dar Sab

Wahan rOnaQ afrOz hy ik FARISHTA

KItab E talayeme KuCh likh raha hy

ABU ne nihayat daleri sE pOCha ?

,, bata Ay FARSHTY yeh tehreer kiya hy ,,?

Uthaya FarShity ne Sar apna fOran

nazar ke ABU per Sad mehrbani

bataya k ,, yeh name in Ashkhas k hain

jinhayin HAQ se hy Ulfa E ghair Fani'

ABU ne kaha ;; kiya mera name bhee hy ?

hilaya FRISHTY ne inkar me Sar

yeh maloom ker Ahista wO bola

magar iS ka dil mutmain tha sarasar

,, mujhy kam sE kam Ayse logOn me likh de

jO kerty hain nO E bashar sE muhabbat

Farishty ne yeh bat manzoor ker li

likha name iS ka hoWa is sE rukhSat

magar dOsri Rat phir wO FARISHTA

bOhat SHADMAN hO k kamry me aya

Usi Waqt ABU BIN ADHM jag Utha

KuCh iS kiSam ke RoShni Sath laya ..

dekhaye iN Ashkhas k name iS ne

jinhayin ISHQ E HAQ ne muSharaf kiya tha

magar name ,,ABU BIN ADHAM,,Sab se pehly kitab E talaye me likha hoWa tha

JAZAKALLAH khair

[*Chanda*]

Re: ~~~abu bin adham~~~,,

i think yaha new users ko ahmiyat nahi de jati Or un ke post ko is terhan se ignore kiya jata hy k wo dubara post kerny ke jurrat na ker sakayin

[thefire1]

Re: ~~~abu bin adham~~~,,

Assalaam-o-Alaikum Chanda

Aap nay mehnat tou bohat ki laikin yaqeen karain mujhay sahi say samajh nahi aasaka kay aap nay kia post kia hay, iss main bura mannay ki koi baat nahin shaayed main aap ki soch tak nahin poohanch saka hoo apni iss naaqis aqal ki waja say.

Aap say guzaarish hay kuch tashreeh kar dain tou aap ka mashkoor rahoon ga. Aur haan zindagi main kabhi bhi kisi say kisi bhi kisi ki expectations na rakhain dil mutmaeen rahay ga :)

Fi Amaan ALLAH

[Admin]

Re: ~~~abu bin adham~~~,,

Assalamo allaikum Chanda

Jahan tak baat pazeeraii ki hai to hamari yeh koshish rehti hai keh apney members aur khaas kar naey aaney walon ki khoob pazeeraii karein aur unki hosla'afzaii key saath saath rehnumaii bhi karein

Ab agar kisi ney aap ki is post per reply nahin ki jo aap ney kal post ki thi to shayid is liyey keh maybe parhney walon ko theek tarha samajh nahin aaii keh aap kya Pegham dena chah rahi hon, maybe members parhney key baad is per sochein aur phir reply karein, maybe koi reply kar raha hoon magar kisi wajah sey rah geya ho, jaisey mujhey reply kartey huwey kaafi time lag geya hai keh main kaam per hoon aur bohat sarey doosrey kaam aa jatey hain, to koi kaam rah jata hai...

Aap ko likhney sey shughaf hai, yeh bohat achhi baat hai. Mujhey bhi hai. Aur main har us bandey ko bohat encourage karta hoon jo likhney sey wabasta hai. Shairi ho keh nasar likhney sey insaan apney dil ki halat biyaan kar sakta hai. Apna PEGHAM doosron tak pohancha sakta hai...

Magar aik baat aap ko seekhni, samajhni, sehni aur bardasht karni ho gi. Aap kisi sey daad paaney key liyey likhein gi to aap woh Pegham nahin pohancha sakein gi jo aap pochana chahti hai - zaroori nahin keh koi aap ki soch sey mutabqat rakhey therefore koi zaroori nahin keh koi aap ki soch ko parhey bhi, reply to door ki baat! Aap sirf yeh dekhein keh aap ney apna Pegham chhorr dena hai, ussey koi parhey na parhey yeh uski marzi - aap ka kaam sirf pohanchana hai - woh aap pohanchati rahiyey...

Rahi baat is kalaam ki jo aap ney pesh kiya hai... to meri pehli soch bhi kuchh aisi hi thi keh aap kya Pegham dena chah rahi hain?? Magar sochein to Pegham clear hai keh Haq-e-Bari Tala bhi unhein mehboob rakhta hai jo insaano sey muhabbat kartey hain...

Romanize ko parhna mushkil to hota hai magar kaii alfaaz apna husn kho detey hain... shayid na'samajh aaney mein yeh bhi aik wajah hai.

Final baat, aap ney apna kalaam ghalt section mein post kiya hai. Issey Naey Shoraa mein hona chahiyey - Shukriyah

[WASI ANJUM]

Re: ~~~abu bin adham~~~,,

Mene bhi post perhi thi lekin samjh nahi aai.........isi liye reply nahi kiya mene