Sundar Sundar Sapnay Thay

[hayaa_n]

Sundar sundar sapnay thay
Kiya kuch socha kartay thay
Rowshan chaandni raaton main
Saawan ki barsaaton main
Khuaab huein woh baatain sab
Ghowr huein woh raatain sab
Sundar sapna toot gaya
Tha jo saathi choot gaya
Ab dil ko baihlatay hain
Us ko yeh samjhatay hain
Sapnay to phir sapnay hain
Sapnay toot hi jatay hain
Kab tabeer patay hain
Sapno ka phir rona kiya
Ro ro jeewan khona kiya
Geet khushi kay gaati ja
Har gham ko thukrati ja
Bhool ja beeti baaton ko
Rowshan chandni raaton ko
Par dil to bas dil hi hay
Ziddi nadaa'n paagal hay
Kitna hi samjhao isay
Kitna hi baihlao isay
Bhoolay na beeti batain
Har jaanib bikhri yadain
Gham khushiyon say jeet gaya hay
Sukh ka saawan beet gaya hay
Raat guzarna baaqi hay
Saans ka chalna baaqi hay
Zeest ki dori tootay kab
Yeh manzil bhi jaanay kab
Mujh ko paas bulaey gi
Sukh ki neend sulaey gi
Ab to Háya hay yahi dua
Ro liya kaafi khush ho'ja
Ji liya kaafi ab so ja....

(Háya)

[khan]

Re: Sundar Sundar Sapnay Thay

AOA,

Wah wah wah:masha kia likha hai wah bohat khoob ji muje bohat acha laga ye:)


Sohail Abbasi.
Rowshan chaandni raaton main
Saawan ki barsaaton main
Khuaab huein woh baatain sab
Ghowr huein woh raatain sab
Sundar sapna toot gaya
Tha jo saathi choot gaya
Ab dil ko baihlatay hain
Us ko yeh samjhatay hain
Sapnay to phir sapnay hain
Sapnay toot hi jatay hain
Kab tabeer patay hain

[hayaa_n]

Re: Sundar Sundar Sapnay Thay

W.salaam
:jazak: :) Khaan ji.
Aap ko maira likha huwa pasand aaya yeh jaan kar bouhat khushi hui.bouhat shukriya itnay nice reply aur howsla afzaai ka.khush rahiye.Aameen.:)

[Yaaram]

Re: Sundar Sundar Sapnay Thay

haya jee aap ka bohat umdah kalam parhne ko mila .......bohat ache khayalat ka izhar kya hay thanx for sharing and keep sharing :)

[hayaa_n]

Re: Sundar Sundar Sapnay Thay

:jazak: :) Adnan ji aap ko yeh nazm pasand aai bouhat shukriya..aap itnay achay shaair ho k mairay likhay huway ki jab tareef kartay hain to khushi bhi hoti hay aur Allah ka shukar bhi ada karti hun.khush rahiye Adnan ji.Aameen.:)

[Rabi]

Re: Sundar Sundar Sapnay Thay

MashAllah kitna accha lakhti hain app hayaa

[hayaa_n]

Re: Sundar Sundar Sapnay Thay

:jazak: :) Rabi itnay nice replies aap nay mujhay likhay hain k main kiya kahun? Allah aap ko bouhat khush rakhay Aameen.:)

[Rabi]

Re: Sundar Sundar Sapnay Thay

nice kaha tha :O

[hayaa_n]

Re: Sundar Sundar Sapnay Thay

:jazak: :) Bouhat shukriya Rabi.khush rahiye.Aameen.:)