jannat ghusegii ghar meN jahannam liye huye...merii ek hazal

[SherAli]

dost aHbaab e mahfil,
assalaam 'alaikum

aapke liye apni ek hazal le kar haazir huaa huN gar qubool uftaad :) to mulaahizah kijiiye. aapkii aaraa matloob hai. shukria

faqat ham_nashiiN,
_______Sheroo

kiuN kar phiruuN na sozish-e-pai'ham liye huye
aatish fishaaN mizaaj haiN begam liye huye :)

vaa'iz kii merii jaaNch huii Hashr meN to maiN
niklaa gunaah un se bahot kam liye huye :)

kartaa na jurm-e-'aqd jo maiN jaantaa yeh raaz
jannat ghuse gii ghar men jahannam liye huye :)

kis taraH koo-e-yaar meN jaauuN maiN ham_nashiiN
darbaan dauRtaa phirtaa hai ballam liyue huye :)

samjhaa sakaa na mujh ko kabhi naaseH-e-Ghareeb
dunyaa se chal basaa vo yehii Gham liye huye

ai dost! keaDaroN kii Ghizaa kaa na poochh Haal
jo peT hai vo muRGh-e-musallam liye huye :)

Khud luT gaye haiN shaikh o barahmanto isse kia?
haiN unke peT to vohii dam Kham liye huye

jis din kaho zamaane kaa Huliyah bigaaR deN
"Sheroo!" kaa ek naalah hai sau bam liye huye


shukria :)

[WASI ANJUM]

Re: jannat ghusegii ghar meN jahannam liye huye...merii ek hazal

Bahot khoob janab bahot achhi ghazal likhi hai

[SherAli]

Re: jannat ghusegii ghar meN jahannam liye huye...merii ek hazal

shukria janaab-e-Wasi Anjum saaHib. :)

[*Hala*]

Re: jannat ghusegii ghar meN jahannam liye huye...merii ek hazal

buht achi ghazal lekha hai... be happy

[*khushi*]

Re: jannat ghusegii ghar meN jahannam liye huye...merii ek hazal

Walikumsalam

kartaa na jurm-e-'aqd jo maiN jaantaa yeh raaz
jannat ghuse gii ghar men jahannam liye huye

v3ry nic3...k33p writinG..:)

[SherAli]

Re: jannat ghusegii ghar meN jahannam liye huye...merii ek hazal

thank you so muchh Khushi :)