Apney Paroseon Key Leyai ........

[aamir_100]

Re: Apney Paroseon Key Leyai ........

very nice dear

[aamir_100]

Re: Apney Paroseon Key Leyai ........

دیارِ غیر میں سوزِ وطن کی آنچ نہ پوچھ
خزاں میں صبحِ بہارِ چمن کی آنچ نہ پوچھ

فضا ہے دہکی ہوئی، رقص میں ہیں شعلہء گل
جہاں وہ شوخ ہے اس انجمن کی آنچ نہ پوچھ

قبا میں جسم ہے یا شعلہ زیرِ پردہء ساز
بدن سے لپٹے ہوئے پیرہن کی آنچ نہ پوچھ

کرن سی تیر گئی جس طرف وہ آنکھ اٹھی
نگاہِ شوخِ غزالِ ختن کی آنج نہ پوچھ

فضا میں برق سی رہ رہ کے کوند جاتی ہے
سکوت میں بھی کسی کے دہن کی آنچ نہ پوچھ

حجاب میں بھی اُسے دیکھنا قیامت ہے
نقاب میں بھی رخِ شعلہ زن کی آنچ نہ پوچھ

پیامِ زیرلبی پھونک دے نہ پردہء دل
کسی کی نرمیِ طرزِ سخن کی آنچ نہ پوچھ

لپک رہے ہیں ہیں وہ شعلے کہ ہونٹ جلتے ہیں
نہ پوچھ موجِ شرابِ کہن کی آنچ نہ پوچھ

یہ سوز و ساز نہ جنت میں ہے نہ دوزخ میں
دلوں میں کیا ہے نشاط و محن کی آنچ نہ پوچھ

دیے ہی جاتی ہے ترغیبِ جرم آدم کو
غضب ہے سوزِ دلِ اہرمن کی آنچ نہ پوچھ

نہیں ہے سہل ہم آہنگیِ بنی آدم
دلوں میں کشمکشِ ما و من کی آنچ نہ پوچھ

فراق آئینہ در آئینہ ہے حسُنِ نگار
صباحتِ چمن اندر چمن کی آنچ نہ پوچھ