My Own

[Aania]

Re: My Own

thnx everybody
arey sad to koi bhi nahen hai :kood:
wo to topic ka taqaza kabhi sad kabhi happy :phool:
u know wot i mean :eye:
shairy to dosti hai dil se ya ehwal se ya samjhota hai khud ke jeeney se :wave

[:Qassim:]

Re: My Own

thnx everybody

arey sad to koi bhi nahen hai :kood:
wo to topic ka taqaza kabhi sad kabhi happy :phool:
u know wot i mean :eye:
shairy to dosti hai dil se ya ehwal se ya samjhota hai khud ke jeeney se :wave

Bohot khoob arz kiya hai :salam: :rose

[Aania]

Re: My Own

Bohot khoob arz kiya hai :salam: :rose

thnx ji :rose

[Aania]

Re: My Own

jis teraf haath barrhaoon
koi sapna sa thaa
kitini bewajhey guzri
hai zindagi ab tak
jis simt murr ke dekhoon
koi khyaal saa thaa
roz banti hai nayee dunya
aankhon main sapnon ki
roz bikhar jatey hen armaan
dil beqarar sa thaa
tujh ko mehsoos na huii
merey dil ki chubhan
meri aankhon mein dard ka
toofan saa thaa...
murr ke dekho ge kabhi
yaad meri aaye to
phir zindagi kahey gi
koi khuwab sa thaa..
kitney bemaani se rishton mein
ulajh jati hoon...
kachey rangon se jazeerey
koi azaab saa thaa..
waqt be waqt teri yaad gher leti hai
har pal zabt e gham jesey
koi sawaal saa thaa...
tujh ko dhoondoon gi ab nahen
dharrkan ne kaha
phir palat ke wohi raah dekhi
jis pe tera ehsas saa thaa..
jis teraf haath barrhaoon
koi sapna sa thaa

by, ME ( A)

[Aania]

Re: My Own

Tum se tumhen chah ker main uns keroon
tum se tumhen maang ker yaqeen keroon

In dermyaan raston ki dor par....
Haqeeqat e Zindagi ban kar safar keroon...



by, me A

[Aania]

Re: My Own

Khuda Karey Koi Mujh Sa to Akela Na Ho Kabhi

ye zindagi phool jesi hai...pal pal har pal mehakti si
is mein kho jao ...har aarzoo ehsas zinda ho

Main ne mangi hi nahen thee khushi
aisa to log kehtey hein...mere seeney mein bhi dil hai
meri aankhen bhi to tersen..kisko dhoondoon..koi nahen hai...

Main ne chaha hi nahen wo mujh se juda ho
meri dharrkan uski khushiyaan...rok bhi kese leti...
ye to sach hai aaj bhi pyaar hai...bas tum nahen ho...

Khuda karey dunya waley sadaa hi khush rahen...
mera daman...mere aansoo...koi na dekhey kabhi....
be-noor hoti in aankhon ne dekhna hi kya hai....


khuda karey ye mehfilen khushiyon ki jagmagati rahen...
har dil har pal muskurata rahey...pyaar karey....
aarzoo-on ki sej sajti rahey...ham hon na hon!

by, me ( A )

[Aania]

Re: My Own

sikha do mujhey...
phir se hansna aie hawa..
yaad aatey hain din
bachpan ke is terah..
kabhi khoye nahen wo
paas merey hon jese

ye kehtey huye se...
mujh ko bhi yaad kerti hain
phool kalyaan...
wo sard shamon main
lehaf main karna mastiyaan
aur barron ki dant
pe der tak rotey rehnaa
subh hoti hai..
aansoo to koi nahen..

aur mom ka dher sara piar kernaa...
phir school jana hai..
bag tayaar ker ke...
dhun hai wapsi pe ..
koi sherarat kerney ki
aaj kis ka tiffen chupaoon,
aapi ka bag cherroon..
yaa bhaii ke sath chat pe
patang urraney jaoon...
mom ko pata chaley ga
to wo dad ko bateyn gi..
phir se daant khaani ho gi...

aur mana'ney ko taoo, mamoon
chocolates layen ge..

kese bhool jaoon ..
kitni piyari si zindagi thee..
har lamha har har simt hi khushi thee
thorra thorra ghussa aur dher sara piaar
kis qadar kis qadar har simt hi ayaan thaa..
...
kion laut ker nahen aatey
merey paas phir se
bachpan ke din
bachpan ki raaten..
narm garm dhoop
thandi thandi shamen
kese bhool jaoon
kese bhool jaooon...
sab kuch thaa merey koi kami nahen thee..
koi kami nahen thee sach main...



by, me ( A)

[Aania]

Re: My Own

kaash......!

kaash main aisey haseen hoty
ke dunya tak-ti....
wo mujhey chorr ker jatey ...
to kabhi yaad to kertey....

kaash dil aisaa haseen hota
ke dunya kehti....
yehi wo dil hai...
jis ki aarzoo hamen bhi hai..

kaash honton pe masumiyat
aisee hoti...
ke jab muskuratey lab to ...
sab ke dil khil uth-tey....

kaash aanchal na kabhi gham ka
yun orrha hota....
ke yunhi koi mil jaata...
to sadaa hi miltaa...

kaash qismat ke bhanwar...
mujhse na yun uljhey hotey...
main bhi ik pal ik gharri...
khul ke kabhi hans paati....

kaash aankhon ko meri kuch to
muskurana aata...
koi dekhey to koi aansoo...
na yun chalak uth-ta...

kaash logon se mili hoti mein
khushion si baharon mein...
to shayed dil na mera
yun khizaan ki manind hota....

kaash main aisey haseen hoty
ke dunya tak-ti....
wo mujhey chorr ker jatey ...
to kabhi yaad to kertey naa....!!!

by, me (A)

[Aania]

Re: My Own

Zindagi sehraa ki manind
aansooo sookhi ret se
hont khushk pathar se huye hain
haan tumhari yaad main...
is mausam ke sab hi badal
aag barsaney lagey hain
haan tum aas paas nahen ho
kesey sametoon bikhrey huye
sookhey huye patton jesi zindagi ke palon ko
jis main tum hi bas chukey ho...
aur doosra koi naam nahen hai...
is se pehley ke aankhen khooon roney lagen....
ye badan khushk reit sa honey lagey..
aur rooh ka har saaz
thalon main dafn honey lage..
TUM AA JAO...
TUM AA JAO...


By, ME (A)

[*Rida*]

Re: My Own

Assalam-0-Alaikom:rose

superb collection :phool:

[Kaanch Ki Maina]

Re: My Own

Assalam-o-Alaikum :salam:

Aania Sis aik sa barh ka aik hai :clap: :clap: :clap:

Aap to waqai bohat achi poetess hain lagta hai aap sa classes laini chahyen :)

Thanxxx for shairing :rose :rose :rose

[aik_lerki]

Re: My Own

BeauitFull
sare he ek sy barh ker ek hain ..:phool:

[zeeshan]

Re: My Own

WOW WOW SAB HI BHT ACHE HA :phool:

keep it up aniii :x

[Aania]

Re: My Own

aap sab ke pasand kerney kaa be-had shukryaa... bohat bohat khush rahye....

[Salauddien Mengal]

Re: My Own

Bohth Khoob Aina Main Yeh par kar Bohth khsuh howa Very Nice Thanks For Shairing.