Chand Ab Derya Main Nahain Utray Ga

[Dr Maqsood Hasni]

CHAND AB DURYA MAIN NAHAIn UTRAY GA

Jazbay lahoo jetay hain
Moash kay zindanoon main
Mash’roon ki bohtat hai
Sohagnoon kay kunggan bik gaae hain
Parindoon nay urnashoor deya hai
Keh feza main tabkari baqi hai
Pojari seyasat ki qaed main hain
Tulwarain zaher aalood hain
Mohafiz sonay ki maykhain gin raha hai
Shoti mushleaan faqa say hain
Keh bari mushleoon ki domain bhe qatil hain
Durya ki sansain ghe’er mosalsal hain
Keh jangi bayray gasht kar rahay hain
Barood kay dhovain nay
Chand ko Aagosh main lay lea hai
Ab wo derya main nahain utray ga
Bani Aadam tunha reh gaya hai
Keh os ka saya bhe
Bhukh ki dhoop main
Kab ka,
Kahain kho gaya hai

['SamRazi']

Re: Chand Ab Derya Main Nahain Utray Ga

:masha buhut achey ........ aap ne sabaq amoz kalam likhney ki koshish ki hai, kuch alfaz ki samajh nahi aayi magar baqi aap ne buhut khoob likha hai :thmbup:

keep writing and sharing :)

[gazal_uzma]

Re: Chand Ab Derya Main Nahain Utray Ga

Keh os ka saya bhe
Bhukh ki dhoop main
Kab ka,
Kahain kho gaya hai


bilkul sahi farmaya aap nay
bohot purtaseer nazam hay aap ki soch k dar khol dainay wali si
regards
uzma khan

[Dr Maqsood Hasni]

Re: Chand Ab Derya Main Nahain Utray Ga

uzma dear,
aapkay mohabbat bheri daad or shandar ra'ay kay lea shukrea.
Allah aap ko kush rakhay