Ajnabi kab tak rahega..........ek ghazal

[Safiya]

Aadaab dostoN,

Aaap sabhi ko humaara pyaar bhara salaam, aaj pehli baar is bazm me ek ghazal aap sabhi ki khidmat me pesh kar raheN haiN, umeed haiy ki aap hausla-afzaaii zaroor karenge. ye ek poorani ghazal haiy, pesh-e-khidmat.............

:love: :love: :love:

Ajnabi kab tak rahega, hoke mera aayega
beqaraari lootne ko..... ek lootera aayega

:rose
tab khilega phool bankar ye mera ghunchah bada
aye naseeme subh mujh par.... jab savera aayega

:rose
roshni, khusboo, bahaaroN ke nazaare har taraf
mere aNgan me bhi mausam ek sunehra aayega


:rose
Isliye seekha tha chalna meyne aankhen mooch kar
mujhko andaaza tha raahoN me andhera aayega

:rose
raat ka din me badalna laazim-o-malzoom haiy
Aayega "Safiya" yakeenan ek savera aayega

:love::love::love:

Safiya

[khurram_shaikh]

Re: Ajnabi kab tak rahega..........ek ghazal

W salaam,



waaaah waaaah bahooot khoob safiya sahiba bahoot khoob pehli baar aapki koee likhi kavish perhnien kaa sarf huaa bahoot achchaa aur umdeh likhaa hai aapnien waise to sari kavish hi umdeh aur zabardast hai lekin humien yeh chand ashaar behud pasand aaye shukriya humse share kernien kaa DILI DAAD Qabool karien :rose :rose aayindaa bhi aapke kalaam kaa intezaar rahega khush rahien


roshni, khusboo, bahaaroN ke nazaare har taraf
mere aNgan me bhi mausam ek sunehra aayega


Isliye seekha tha chalna meyne aankhen mooch kar
mujhko andaaza tha raahoN me andhera aayega

[Safiya]

Re: Ajnabi kab tak rahega..........ek ghazal

Khurram sahab,

Bohot bohot shukriya, aapne itni hausla-afzaaii ki, hum aapke tah-e-dil se mamnoon haiN. chand ashaar ko itna ziyada pasand farmaane ke liye bhi hum aapke mashkoor haiN. ek baar phir shukriya

Safiya

[WOH LARKI]

Re: Ajnabi kab tak rahega..........ek ghazal

Safiya aap ne boht umdah aur khoobsoorat ghazal likhi hey, yehan par share karnay k liye be hadd shukriya:rose :rose :rose . Aaindah bhi likhti rahiye ga.

[Safiya]

Re: Ajnabi kab tak rahega..........ek ghazal

Muskaan saheba

Aapka bhi bohot bohot shukriya ke aapna apna keemti waqt nikaal ke ghazal ko saraaha, aap logoN se isi tarah hausla-afzaaii milti rahi to zaroor likhte rahenge.....

shukriya

Safiya...

[Masood]

Re: Ajnabi kab tak rahega..........ek ghazal

Isliye seekha tha chalna meyne aankhen mooch kar
mujhko andaaza tha raahoN me andhera aayega


raat ka din me badalna laazim-o-malzoom haiy
Aayega "Safiya" yakeenan ek savera aayega

Bohat umdaah! Bohat khoobsurat alfaaz hai Safiya :rose :rose

[Safiya]

Re: Ajnabi kab tak rahega..........ek ghazal

Masood sahab,

tasleemaat, baRi nawaazish aapki.

taareef ke liye bohot bohot shukriya,

aapki mamnoon
SAFIYA

[Masood]

Re: Ajnabi kab tak rahega..........ek ghazal

Masood sahab,

tasleemaat, baRi nawaazish aapki.

taareef ke liye bohot bohot shukriya,

aapki mamnoon
SAFIYA

Is tarha haseen takhleeq par aik kaam to aap ney khud ghalat kar diya hai aur woh yeh keh hamein aap ki mazeed takhleeq ka intizaar rahey ga :maan: please do keep writing :rose