......Madar apna hai

[zmufti]

Ahl-e-Bazm
Aadaab
apni aik adna si kaawish aap ki khidmat maiN pesh kar rahi hoN aap sab ki aaraa ka intizaar rahey ga
regards
zmufti

1. Tire firaaq maiN dil be qarar apna hai
tire liye hi sanam yeh singhar apna hai

2. nahiN hoN qaid yahaN yeh madar apna hai
qafas nahiN hai faqat yeh hisar apna hai

3. inaayatoN pe tirri inhesaar apna hai
wafa shuaaroN maiN teray shumaar apna haii

4. ana atal hai tirri dil kathor hai tera
hamieN bhee jaan se barh kar waqar apna hai

5. tumharey izn ki muhtaaj meri har khawahish
Tumhari khoo pe kahaN ikhtiaar apna hai

6. yeh rishta-e-dil-o-jaaN barqrar hai kaise
jigar laho hai to dil bhee figaar apna hai

7. hamarey shahr maiN raunaq tire hi dam se thee
tire hi jaane se ujda dayar apna hai

8. mirri udaas nighahieN tikki haiN chokhat pe
Wabaal-e-jaan bana intezaar apna hai

9. tujhe batayieN ge jo dil maiN ham ne thaani hai
falak pe chaand bhee to raazdaar apna hai

[Yaaram]

Re: ......Madar apna hai

Zarqa jee sab se pehle to main aap ko Pegham per Khush Amdeed kehta hon
Pegham shoro se hi Bazzauq logoN ki qadar karta hay
aap bohat acha likhti hain.....bilkul ustaad shaeroN ki tarah :) Alfaz ka chunao..soch ki uraan bohat aala hay :) Kamal likha hay aap ne :) Aap ke mazeed kalam ka wait rahe ga :) Aur pegham per aati rahein :) InshAllah aap ko yahan se achi pazeerayi hasil ho gi :)

[zmufti]

Re: ......Madar apna hai

Yaram saheb
aap ka shukria
aap se poochna hai keh apni shayeri ikathi aik hi jagah post karne ka kyaa tareeqa hai
jawab k liye mamnon hoN gi
regards
zmufti

[Yaaram]

Re: ......Madar apna hai

yani ke isi thread main ?
Aap Isi Thread main reply kar sakti hain ya aap aisa karein ke aap yahan post karti jayein :) jab aap ki tamam shaeri mukamal ho jaye gi to Pegham aap ke lye aik elehda section bana de ga jis main sirf aap ki hi shaeri ho gi :)

[gazal_uzma]

Re: ......Madar apna hai

aray wah
zabardast
pehlay sagar ji say mulaqat hoie or ub zarqa ji say
tht means i wont b more ajnabi here as such i m finding people here from my own frined circle :)
zarqa ji aap ki yeh ghazal bayhad khobsorat hay mujhay bohot pasand aaie.
regards
uzma