لا پھر اک بار وہي بادہ و جام اے ساقي

[Muhammad Khalil]

لا پھر اک بار وہي بادہ و جام اے ساقي
ہاتھ آ جائے مجھے ميرا مقام اے ساقي!
تين سو سال سے ہيں ہند کے ميخانے بند
اب مناسب ہے ترا فيض ہو عام اے ساقي
مري مينائے غزل ميں تھي ذرا سي باقي
شيخ کہتا ہے کہ ہے يہ بھي حرام اے ساقي
شير مردوں سے ہوا بيشہء تحقيق تہي
رہ گئے صوفي و ملا کے غلام اے ساقي
عشق کي تيغ جگردار اڑا لي کس نے
علم کے ہاتھ ميں خالي ہے نيام اے ساقي
سينہ روشن ہو تو ہے سوز سخن عين حيات
ہو نہ روشن ، تو سخن مرگ دوام اے ساقي
تو مري رات کو مہتاب سے محروم نہ رکھ
ترے پيمانے ميں ہے ماہ تمام اے ساقي

[Tanha Hassan]

Re: لا پھر اک بار وہي بادہ و جام اے ساقي

buth he khoobsoorat sharing

[Tanha Hassan]

Re: لا پھر اک بار وہي بادہ و جام اے ساقي

reputation ka gift qabool kajey

[Muhammad Khalil]

Re: لا پھر اک بار وہي بادہ و جام اے ساقي

Buhat shukeria bhai