Tweet
کیوں ابر سے جلتا ہے صحرا تو نہیں وہ
پیاسا بھی کبھی ہوگا دریا تو نہیں وہ
آواز بھی دینا کہ وہ شاید پلٹ آئے
محتاط بھی رہنا کہ شناسا تو نہیں وہ
ہر ایک سے شناسائی کا الزام بھی دینا
پھر سوچتے رہنا بھی کہ ایسا تو نہیں وہ
اترے ہیں انکی آنکھوں میں تو ابتک نہیں لوٹے
کچھ لوگ سمجھتے تھے کہ گہرا تو نہیں وہ
کیا اس سے چھپاؤں کہ نہیں غیر بھی اتنا
کیا اس کو بتاؤں، میرا اپنا تو نہیں وہ
بھولے سے ہی دیکھے وہ کبھی راہ میں مجھکو
اور خود سے یہ کہ دے کہی عذرا تو نہیں وہ
Comment