Ashaar collection Zakham

[.]

Assalamalikum

lafz zakham pay ashaar post karain :rose

[.]

Re: Ashaar collection Zakham

Haal-e-dil apna sunaane meiN mujhe deir lagee
zakhm-e-dil apna dikhaane meiN mujhe deir lagee

[.]

Re: Ashaar collection Zakham

Murjha gaye hain phool tou taza rahe ZAKHAM
ye baagh tou khaza'n main bhi viraa'n nahi hua...

[.]

Re: Ashaar collection Zakham

Souzish-e-zakhm-e-jigar-chaak nah samjhe gaa koii

laakh izhaar karuN, khaak nah samjhe gaa koii.

[.]

Re: Ashaar collection Zakham

chara-saazon se alag hai meraa mayaar ke mai.n
zaKhm khaaun gaa to kuchh aur sanvar jaaun gaa

[.]

Re: Ashaar collection Zakham

Zakhm-e-dil, sakhm-e-jigar, pyaar meiN kyaa kuch nah milaa

umr baaqii hei jo ab, usko guzarjaane de.

[.]

Re: Ashaar collection Zakham

app ne tou mera haal-e-dil puch kar
mere zakham'oun ki jaise zabaan khul di hai...

[.]

Re: Ashaar collection Zakham

Ilaaj-e-zkham-e-dil-e-nasaboor kar na sake

aur us pah kehte hou tum ghamguzaar hou mere.

[.]

Re: Ashaar collection Zakham

zaKhm jo aap kii 'inaayat hai, is nishaanii ko kia naam deN ham
pyaar diivaar ban ke rah gayaa hai, is kahaanii ko kia naam deN ham

[.]

Re: Ashaar collection Zakham

Log'oun ko kiya mila mera chahera khured kar
jo zakham tha woh rooh ki gaheraiy'oun may tha..

[.]

Re: Ashaar collection Zakham

zakhm-e-aazurdagiy-e-dil jou diyaa hei tuu ne

souchtaa hooN ke muHabbat kii nishaani tou nahiN

[.]

Re: Ashaar collection Zakham

phuuloN kii aarzuu meN baRe zaKhm khaaye haiN
lekin, chaman ke Khaar bhii ab tak paraaye haiN

[.]

Re: Ashaar collection Zakham

nazar lage na kahii.n usake dast-o-baazuu ko
ye log kyo.n mere zaKhm-e-jigar ko dekhate hai.n

[.]

Re: Ashaar collection Zakham

zakhm sehte rahe jafaa'oN ke

Lab pah faryaad tak nahiN aayii.

[.]

Re: Ashaar collection Zakham

maiN ne dil ka diya jalaya hay
''ZAKHM''-e-eh,saas ramg layaa hay