ashaar collection " خواب"

[.]

Re: ashaar collection " خواب"

Zindagi khawab-e-pareshaan se zeyada to nahin,
Is main tabeer bhi mil jaye yeh waada to nahin,
Baat be’baat ulajhney ki yeh huu kesi hai,
Yeh bataa tera bicharrney ka iraada to nahin,
Kon khushbuu ke peechey geya door talak,
Log saada hain magar itney bhi saada to nahin,
Kis khushi se mujhe bheja hai bata surkh gulaab,
Zulm ka yeh teri jaanib se iraada to nahin,
Bewafa hum hi sahi, khud pe bhi kuch ghaur karo,
Be’rukhi aap ki bhi hadh sey zeyadaa to nahin..!

[.]

Re: ashaar collection " خواب"

Tamaam Rang Meray Aur Saaray Khwab Meray
Fasana Thay Ya Fasana Bana Gaya Aik Shakhs

[.]

Re: ashaar collection " خواب"

Na koi Khawab hai baaqi na hi Khayaal koi
bikhar gayaa hai meraa Khawaab-zaar aaNkhoN meiN

[.]

Re: ashaar collection " خواب"

Rat Jag0n K Sehra Me Khawab Jab Ujar Jaaye Tum Udas Mat H0na

Zindagi K Meley Me Hum Agar Bichar Jaaye Tum Udas Mat H0na

[.]

Re: ashaar collection " خواب"

Ek raat khawab
main meinay dekha

Chand say pocha chup k say

Aaj mujhy Ek baat batao

Apny dil ka hall sunao
Kya hai koi aisa
jo
Tum ko acha legta ho?
Apna Apna lagta ho.

Dil k pas jo basta ho.
Chand nay tera naam leya.
Main nay dil ko apnay thaam leya.
Jab say dekha hai yeh sapna.

Tab say chand raqeeb hai apna

[.]

Re: ashaar collection " خواب"

Khwab martay nahin
Khwaab dil hain na aankhein na shamein keh jo
Rezaa rezaa huey to bikhar jayein ge
Jism ki maut se yeh bhi mar jayein ge
Khwaab marte nahin
Khwaab to roshni hain, navaa hain, hawaa hain
Jo kaaley paharon se ruktey nahin
Zulm ke dozakhon se bhi phuktey nahin
Roshnee aur navaa aur hawa key alam
Maqtalon mein pohanch kar bhi jhuktey nahin
Khwab to harf hain , Khwaab to noor hain
Khwaab suqraat hein
Khawab mansoor hain

[.]

Re: ashaar collection " خواب"

Aks-e-khushboo hon bikhatny se nah roky koi
Aor bikhar jaon to mujh ko nah samety koi

Kanp uthti hon main yeh soch ke tanhai mein
Mery chehry pe tera naam nah parh le koi

Jis tarh khawab ho gaye mery reza reza
Is tarh se nah kabhi toot ke bikhry koi

[thefire1]

Re: ashaar collection " خواب"

[SIZE=4]Bohat hi khoob, itni mayaari aur khoobsurat collection KHUWAAB per pehlay nahin paRhee, big thanks to Aanchal, life, driver, and all other members who have contributed their bit here..... abhi tak main srif 2 page paRh paaya, baaqi bhi jald hi paRh loon ga :)

Meri jaanib say iss mehfil-e-sukhan ki nazar yeh sha'air.....!


Din Ko MASMAAR Huway, Raat Ko TAMEER Huway
KHUWAB hi KHUWAB, Faqat Rooh Main Jageer Huway
Umr Bhar Likhtay Rahay, Phir Bhi Warq Saada Raha
Jaanay Kia Lafz Thay, Jo Hum Say Na TEHREER Huway!![/SIZE]

[.]

Re: ashaar collection " خواب"

Hum tu bas khwab hain
kuch pal k liay dekho humey

phir kisi aankh , kisi neend
main aaney k nahi

phir kisi raah kisi morr par
hum hoon gey nahi

Hum tu bas gard hain
kuch dair main mitt jaiengey

Hum tu khushbu hain
Humey rang na dena koi

sirf ehsas ko chu kar hai guzar jana humey
Hum tu aanso hain bahain gey
tu na loatain gey kabhi

Hum tu bas zakhm hain
seeney ka... humey bharna hai

Hum wo ehsas ki belain hain jo chaoon chahain
dard ki dhop jo chu ley tu humey marna hai
Hum tu bas khwab hain kuch pal main bikharney waley !!

[.]

Re: ashaar collection " خواب"

Dekh lo Khwab magar Khwab ka charcha na karo.
Log jal jayenge sooraj ki tamanna na karo.

Waqt ka kya hai kisi pal bhi badal sakata hai.
Ho sake tum se to tum mujh pe bharosa na karo.

Kirchiya.N Toote huye aks ki chubh jayengi.
Aur kuch roz abhii aaina dekha na karo.

Ajanabi lagane lage Khud tumhen apana hi wajood.
Apane din raat ko itana bhi akela na karo.

Khwab bachon ke khilaunon ki tarah hote hain.
Khwab dekha na karo Khwab dikhaya na karo.

Be Khayali mein kabhi ungaliya.N jal jaayengi.
Rakh guzare hue lamhon ki kureda na karo.

Mom ke rishte hain garmii se pighal jaayenge.
Dhoop ke shahar mein Wafa ki tamnna na karo…

[.]

Re: ashaar collection " خواب"

Khwaab Aankhon Mein Chubho Ker Dekhoon,
Kaash Main Bhi Kabhi So Ker Dekhoon.
Shayed Ubhre Teri Tasveer Kaheen,
Main Teri Yaad Mein Ro Ker Dekhoon..

[.]

Re: ashaar collection " خواب"

khawab aur khoshboo …
Donon hi azada rooh hain
Donon qaid nahin ho sakte
Mere khawab
Tumhari khoshboo……

[.]

Re: ashaar collection " خواب"

Phir se ankhoon main khawab Inshaa Ji,
Ijtenaab, Ijtenaab, Ijtenaab Inshaa Ji…!!!

[.]

Re: ashaar collection " خواب"

Jo meri ankhon se khawab dekho
To ek bhi shab na so sako ge
Ke Laakh chaho na hans sako ge
Hazar chaho na ro sako ge
Ke Khawab kia hain azaab hain yeh
Mere dukhon ki kitaab hain yeh
Rafaqaten un ki choot-ti hain
Mohabbaten un ki rooth-ti hain
Panapti hain un main wehshaten si
Aziyaten un main phoot-ti hainInhi ke sar se khizaan hain jazbay
Inhi se shaakhen se toot-ti hain
Ghamon ki bandish main khawab mere
Dukhon ki barish main khawab mere
Ubal raha hai dukhon ka laawa
Zameen aatish hain khawab mere

[.]

Re: ashaar collection " خواب"

Kaghaz Par Nahi Likhte Kuch Raaz Mohabbat Ke,
Pal Bhar Mein Bikhar Jaate Hain Alfaaz Mohabbat Ke,

Use Toot Kar Chaha Toh Hum Khud Hi Bikhar Gaye,
Aise Badal Jaate Hain Andaaj Mohabbat Ke,

Un ki Saheliyo Se Zara Kahna, Unhe Sath Hi Laaye,
Mujhe Phir Se Sajaane Hain Kuch Khwab Mohabbat Ke,

Apni To Saase Dost Usi Waqt Mein Thee Shaamil,
Kyun Baithe Huve Chor Gaye Kuch Haath Mohabbat Ke….