*Ashaar*---Alif

[.]

Re: *Ashaar*---Alif

amn kaa jo paiGhaam sunaane_waale haiN
galiyoN_galiyoN aag lagaane_waale haiN

[.]

Re: *Ashaar*---Alif

azdahay makr-o-riya ke kaee takhleeq liye
phir fareb us ne bohat hastii-e-insaaN ko diye

[.]

Re: *Ashaar*---Alif

aanch phir tez huee jaatii hay
ye lapakte huey sholay bhi haiN kitne shaffaaf

[.]

Re: *Ashaar*---Alif

aabaad kar ke shahr-e-KhamoshaaN har ek suu
kis khoj meN hai teGh-e-sitam_gar lagii huii

[.]

Re: *Ashaar*---Alif

aag se surkh dehekte huey rukhsaaroN ko
ashk-e-Gham-khaar ka sam zard naheeN kar sakta

[.]

Re: *Ashaar*---Alif

ik 'ishq kaa Gham aafat, aur us pe yeh dil aafat
yaa Gham na diyaa hotaa, yaa dil na diyaa hotaa

[.]

Re: *Ashaar*---Alif

apnoN ne bhi na-jane kyuuN ajnabi hi samjha
esa bhi mujh pe guzra waqt aazmaaishoN ka

[.]

Re: *Ashaar*---Alif

ab kaun baat rah gaii, yeh baat bhii gaii
ya'ni, kabhii_kabhii kii mulaaqaat bhii gaii

[.]

Re: *Ashaar*---Alif

aataa hay khauf mujhko ab har naey qadam par
sir se utaarrooN kyuuNkar pushtaara laGhzishoN ka

[.]

Re: *Ashaar*---Alif

auroN kaa tajurba jo kuchh ho, magar, ham to, "Firaaq!"
talKhii-e-ziist ko jiine kaa mazaa kahte haiN

[.]

Re: *Ashaar*---Alif

aazmaaish ke liye saw jaan se haazir thii maiN
aap to bas mera dil hi aazmaa kar reh gaey

[.]

Re: *Ashaar*---Alif

is but_kade meN ma'nii kaa kis se kareN savaal
aadam nahiiN, suurat-e-aadam bahot hai yaaN

[.]

Re: *Ashaar*---Alif

apni saari khushyaaN de kar dard ka sauda kar baiThe
lekin haey rii zalim qismat!ab hameN hosh-o-hawaas kahaaN

[.]

Re: *Ashaar*---Alif

uNheN yeh zid k mujhe dekh kar, kisii ko na dekh!
meraa ye shauq k sab se salaam kartaa chaluuN

[.]

Re: *Ashaar*---Alif

ab ke baras bhi shehr me tere habs wohii hay, log sabhi
phirte haiN girebaaN chaak kiye, haey tujhe eh,saas kahaaN