~*~ Is Haftey Ka Lafz - PHOOL - ~*~

[Masood]

February 2006 key pehley haftey ka jo lafz ham dey rahey hain woh hai: PHOOL :phool:

[.]

Re: ~*~ Is Haftey Ka Lafz - PHOOL - ~*~

phool hi phool khil uThe mere paimaane mein
aap kyaa aaye bahaar aa gai may-Khaane mein

[Aania]

Re: ~*~ Is Haftey Ka Lafz - PHOOL - ~*~

phuulo.n kii aarazuu me.n ba.De zaKhm khaaye hai.n
lekin chaman ke Khaar bhii ab tak paraaye hai.n

us par haraam hai Gam-e-dauraa.N kii talKhiyaa.N
jisake nasiib me.n terii zulfo.n ke saaye hai.n

[cutelibra]

Re: ~*~ Is Haftey Ka Lafz - PHOOL - ~*~

jahan phoolon ko khilna tha waheen khiltay to acha tha
hum ne tum hi ko chaha tha tum hi milte to acha tha

[Masood]

Re: ~*~ Is Haftey Ka Lafz - PHOOL - ~*~

:rose Phool:rose

[aik_lerki]

Re: ~*~ Is Haftey Ka Lafz - PHOOL - ~*~

Hasrat hai koe ghuncha humay piaar say dikhay
armaan ha koe phool humay dil say pukaray

[Masood]

Re: ~*~ Is Haftey Ka Lafz - PHOOL - ~*~

Merey daman mein kanton key siwa kuchh bhi nahin
aap phoolon key khareedar nazar aatey hain

[aik_lerki]

Re: ~*~ Is Haftey Ka Lafz - PHOOL - ~*~

kab khilay gay phool khatam hoga intazaar ka mosam
vo sath lay ker aa'ain gay apny bahar ka mosam

[Yaaram]

Re: ~*~ Is Haftey Ka Lafz - PHOOL - ~*~

Wo to khushboo hay hawaoN main bikher jaye ga
Masla to Phool ka hay phool kidher jaye ga

[ummid]

Re: ~*~ Is Haftey Ka Lafz - PHOOL - ~*~

aao! phoolon se jholiyan bhar lein!
log hanste hain bar bar kahan.......

[Eshaa Chaudhry]

Re: ~*~ Is Haftey Ka Lafz - PHOOL - ~*~

Kaanton mein ghiray phool ko choom aaey ge lekin
titli k paron ko kabhi chhiltay nahin dekha

[Khushi]

Re: ~*~ Is Haftey Ka Lafz - PHOOL - ~*~

teri qurbat k lamhe PHOOL jese
mager phoolon ki umren mukhtsir hein

[Masood]

Re: ~*~ Is Haftey Ka Lafz - PHOOL - ~*~

Phool

[aik_lerki]

Re: ~*~ Is Haftey Ka Lafz - PHOOL - ~*~

Aise hawa chali kay sab he phool jal ga'ay
jaan say azeez loog bhe kitny badal ga'ay
tery baghair jeenay ka kis ko gumaan tha
hum khud bhe sochty hain ky kesy sambhal ga'ay

[amber]

Re: ~*~ Is Haftey Ka Lafz - PHOOL - ~*~

khile the jo phool bahaaron me pyaar banke
aaj woh har masoom phool daali se toot gaya hai
durakhsha* aankhon ne jo khwaab sajaaye the
aaj wo har khoobsurat khwaab mera toot gaya hai