~~Bait Baazi~~

[Masood]

Re: ~~Bait Baazi~~

yeh bazm-e-may hai, yaan kotaah dasti main hai mehroomi
jo barh ker khud uthaa ley haath mein, maina usi ka hai
[shaad]

yey

[Eshaa Chaudhry]

Re: ~~Bait Baazi~~

Ye neend ki dewi bhi ajab dushman-e-jaan hai
aankhoon se sada door rahay raat gaey tak
paspa huay tanhaeey ki yalghar se jab bhi
hum shehar main awara phiray rat gaey tak

kaaf

[Masood]

Re: ~~Bait Baazi~~

Ye neend ki dewi bhi ajab dushman-e-jaan hai
aankhoon se sada door rahay raat gaey tak


kaaf

bilkul theek :)

kab talak shama jali, yaad nahin
shaam-e-gham kaisey dhali yaad nahin
is qadar yaad hai apney taein bhi
kis ney kya chaal chali yaad nahin
[qateel shifaii]

Noon

[Wafa]

Re: ~~Bait Baazi~~

Na jaane tum pe itna yakin kyon hai?
Tera khayal bhi itna haseen kyon hai?
Suna hai Pyar ka dard meetha hota hai;
to aankh se nikla ye aansu namkeen kyon hai?

yeh

[Eshaa Chaudhry]

Re: ~~Bait Baazi~~

yehi nahe k humain tor gaya hai koi
usay bhe bohat dair khud ko jorna hoga

Alif

[Masood]

Re: ~~Bait Baazi~~

apney ishq fasaney aakhir nazar nazar mein aam huwey
kab tak yaar yeh raaz ki batein logon ko batlao gey
yey

[Eshaa Chaudhry]

Re: ~~Bait Baazi~~

Ye naqsh-e-paa nahin, tehreer hai muqaddar ki
Abhi gaya hai koi khakh mein mila k mujhey:)

yey

[Masood]

Re: ~~Bait Baazi~~

Yazdani-e-hazeen hai, ajab zindagi ka baagh
kanton key darmiyaan hain shagoofey khiley huwey

yey

[Eshaa Chaudhry]

Re: ~~Bait Baazi~~

Ye main bhi kia hon usay bhool ker usi ka raha
k jis k sath na tha hamsafar usi ka rahaa

Alif

[Masood]

Re: ~~Bait Baazi~~

aainah toot geya, aks bhi toota ho ga
kis ney socha tha yeh anjaam tamana ho ga
[tabaan]
alif

[Khushi]

Re: ~~Bait Baazi~~

aye tez hawa koi khaber uss k janoon ki
tanha safer-eshoq pe nikla tha jo ik shakhs

suaad

[Masood]

Re: ~~Bait Baazi~~

saber-e-zabt key ley key be'shumar nazraney
teri yaad aai thi, aaj mujh ko samjhaaney
[zehra nigar]

yey

[Madiha kanwal]

Re: ~~Bait Baazi~~

Yaad us ko karon tu saad kese
pal mein jo mujhe bhula gaya hai
yey

[Wafa]

Re: ~~Bait Baazi~~

Yaadein jo na aati yun khamoshi se chupke chupke...
To mere ghar ki Rounaq hoti teri mehfil se bhi zyada...

[Madiha kanwal]

Re: ~~Bait Baazi~~

Hujoom e gham meri fitrat badal nahi sakta
mein kia karon meri aadat hai muskurane ki