Chakay

[iiiiboyz]

Ye kochay ye nelam ghar dilkashi ke
Ye lut-tey huye karwan zindagi ke
Kahan hain kahan hain muhafiz khuvi ke
Sana khan-e taqdees-e mashriq kahan hain

Ye pur paich galian ye bekhab bazar
Ye gumnam rahi ye sikkon ki jhankaar
Ye asmat ke saudey ye saudon pe takrar
Sana khan-e taqdees-e mashriq kahan hain

Ta,uffan se purnem roshan ye galian
Ye masli hui adh khili zard kalian
Ye bikti hui khokhali rang ralian
Sana khan-e taqdees-e mashriq kahan hain

Woh ujle dareechon mein payal ki chan chan
Tanaffass ki uljhan pe tabley ki dhan dhan
Ye beroh kamron mein khansi ki than than
Sana khan-e taqdees-e mashriq kahan hain

Ye gonjay huye qehqahey raston par
Ye charon taraf bheer si khirkiun par
Ye awaz se khinchtey huye anchalon par
Sana khan-e taqdees-e mashriq kahan hain

Ye pholon ke gajrey ye paikon ke cheentey
Ye bebaak nazrain ye gustakh fiqrey
Ye dhalkey badan aur ye madqooq chehray
Sana khan-e taqdees-e mashriq kahan hain

Ye bhooki nigahein haseenon ki janib
Ye bartey huye haath seenon ki janib
Lapaktey huye paon zeenon ki janib
Sana khan-e taqdees-e mashriq kahan hain

Yahan peer bhi aachukey hain jawan bhi
Tanomand baitey bhi abba mian bhi
Ye bivi bhi hai aur behan bhi hai maan bhi
Sana khan-e taqdees-e mashriq kahan hain

Madad chahti hai ye Hawwa ki baiti
Yashuda ki humjinss raadha ki baiti
Peyambbar(saw) ki ummat, Zulekha ki baiti
Sana khan-e taqdees-e mashriq kahan hain

Zara mulk ke rehbaron ko bulao
Ye galian ye kochay ye manzar dikhao
Sana khan-e taqdees-e mashriq ko lao
Sana khan-e taqdees-e mashriq kahan hain
A Great message by Sahir Ludheanvi

[khan khan]

Re: Chakay

Bohat Umdah Intakhaab.

[iiiiboyz]

Re: Chakay

Bohat Umdah Intakhaab.

bohat shukrya apka

[phonix_24]

Re: Chakay

Wah Je Wah Buhat Khub...Very Nice Sharing

[hashambutt]

Re: Chakay

Bohat khoob choice

[Gul]

Re: Chakay

buhat khoob

[iiiiboyz]

Re: Chakay

aap sab ka bohat shukriya:rose