Is Maah Ka Lafz "Wehshat"

[La'hasil]

Asalam-o-Alikum


Is Maah Ka Lafz hai "Wehshat"

Jis Main Lafz "Wehshat" Ata ho Wo A'shaar Share karney Hain


Khush Rahiye

Wa.Salaam :rose

[La'hasil]

Re: Is Maah Ka Lafz "Wehshat"

Jaise Jaise Shaam Dhaley Gi
Dil Ki Wehshat Aur Barhey Gi

[La'hasil]

Re: Is Maah Ka Lafz "Wehshat"

Kia Kisi Wehshat Zada Mausaam Ka Tum Ko Khouf Hai
Kis Liye Khamohs Ho Kholo Na Dil Ki Khirkiyan

[shummu]

Re: Is Maah Ka Lafz "Wehshat"

Ishq Mujhko Naheen, Wehshat Hee Sahee
Meree Wehshat, Teree Shohrat Hee Sahee

Ham Bhee Dushman To Naheen Hain Apne
Ghair Ko Tujh Se Mohabbat Hee Sahee

[musaddaq]

Re: Is Maah Ka Lafz "Wehshat"

Baarishon ke mausam main Waqt ke andheron main
Maine us se poocha tha Chorr to na jaoge
Haath tham ker us ne Kaan main yeh bola tha
Kaise chorr sakta hoon Tum to Jaan ho meri
Aur aaj aisa hai Waqt ki tamazat main
Wehshaton ke Mausam main Maine us se poocha hai
Chorr kar hi jaana tha Muskurati galiyon main
Aas kyun dilayi thi Pyaas kyun jagayi thi
Mere in sawalon per Na woh chonka na woh thehra
Chalte chalte itna kaha Mausamon ke khel hain sab

[musaddaq]

Re: Is Maah Ka Lafz "Wehshat"

Jab koi Din mai Shaam kare, Ya Lab ki Hansi Badnaam kare
Jab Wehshat dil ke Naam kare, Ya Aankh mai Neend Haram kare

Mat Tanha Tanha Gabhrana, Tum Paas Hamaray aa jana

[musaddaq]

Re: Is Maah Ka Lafz "Wehshat"

her cheez ikhtiar main rakhta hai woh magar
dil se rehai pane pe qudrat usse nahin.

sehra ke her waraq pe tehreer hai us ka naam
kal tak jo keh raha tha ke wehshat usse nahin

[musaddaq]

Re: Is Maah Ka Lafz "Wehshat"

Meri Wehshaton ko barha dya hai Judaiyon k Azab ne
Mere Dil pe Haath rakho zara, Meri Dharkano ko Qarar do
Wahan Ghar mai Kon hai Muntazir, Kise Fikar Dair Sawer ki
Bari Mukhtasar si yeh Raat hai, ise Chandni mai Guzar lo

[musaddaq]

Re: Is Maah Ka Lafz "Wehshat"

Tum kia jano,
Qatrah qatrah dil main utarti aur pighalti
Raat ki suhbat kia hoti hai!
"Aankhain sarey khawab bujha dain
Chehray apney naqsh gunwa dain
Aur Aainay aks bhula dain
Aisay main umeed ki wehshat
dard ki surat kia hoti hai!

[musaddaq]

Re: Is Maah Ka Lafz "Wehshat"

Zikr-e-Shab- e-Firaaq Se Wehshat Usay Bhi Thi
Meri Tarha Kisi Se Mohabbat Usay Bhi Thi
Mujhko Bhi Shoq Tha Naye Chehron Ki Deed Ka
Raasta Badal K Chalne Ki Aadat Usay Bhi Thi

[musaddaq]

Re: Is Maah Ka Lafz "Wehshat"

meri wehshatoon ko badda diya hia judaion keh azaab ne
mera dil pe haath rakho zara meri dharkanoon ko sanwaar do
tumhian subah kaisi lagi meri khawahishoon keh dariya ki
jo bhali laga to yahin raho isse chahtoon se nikhaar do

[musaddaq]

Re: Is Maah Ka Lafz "Wehshat"

Mein wehshaton kai safar mein bhi kahan tanha
Yahi gumaan hai koi aas pass rehta hai


Mein guftugo kai her andaz ko samhajta houn
Ke meri zaat mein lehja- shanas rehta hai

[shummu]

Re: Is Maah Ka Lafz "Wehshat"

Dil pe ek tarfa qayaamat karna
muskurate hue rukhsat karna

achchi aankhein jo mili hain usko
kuch to laazim hua wehshat karna

[Gul]

Re: Is Maah Ka Lafz "Wehshat"

Khayal-o-Khavab howi hain muhabbatein kaisi
lahuu me.n naach rahii.n hai.n ye vahashatein kaisi

na shab ko chaaNd hai achaa na din ko mehar achaa
ye ham pe beet rahii hain qayamatein kaisi