Hum Jo Tareek Rahon Mein Marey Gaey

[Daood]

Tere hontn ke phoolon ki chahut mein hum
Daar ki khushuk tahni pe warey gaey
Tere hathon ki shamon ki hasrut mein hum
Neem tareek rahon mein marey gaey
Soolion pur hamaray labon se parey
Tere honton ki laali tapakti rahi
Teri zulfon ki masti burusti rahi
Tere hathon ki chandi damakti rahi
Jub ghuli teri rahon mein sham-e-situm
Hum chale a'aey la'aey jahan tuk qadum
Lub pe harf-e-ghazul dil mein kandeel-e-ghum
Apna ghum tha gawahi tere husun ki
Daikh qaiem rahay iss gawahi pe hum
Hum jo tareek rahon mein maraey gaey
Naarsaei agur apni taqdeer thi
Teri ulfut to apni hi tadbeer thi
Kiss ko shikwa hai gur shock ke silsilay
Hijur ki qatul gahon se sub ja milay
Qatul gahon se chun kur hamarey ilum
Aur niklain gaey eishaaq ke kafaley
Jin ki rah-e-talub se hamarey qadum
Mukhtassur kur chalaey dard ke fasaley
Kur chaley jin ki khatur jahangeer hum
Jaan gunwa kur teri dilbari ka bharum
Hum jo tareek rahon mein marey gaey