Is Maah (June) ka lafz "Badal"

[aquari]

Assalam O aliukum,

Jaisa k ap sab is silsiley se waqif hain ..
ke titile word jo diya hai hai .. us ko jin ashaar mein use kia gia hai
wo yehan per post keejye ..so is maah ka lafz hai "Badal"

App sub ki sharings ka intezar rahey gaa :salam:

[*Rida*]

Re: Is Maah (June) ka lafz "Badal"

Rukta bhi nahi, theek se chalta bhi nahi
Yeh dil hai kay tere baad sambhalta hi nahi
Is umar key sehra say teri yaad ka baadal
Talta bhi nahi aur barasta bhi nahi

[aquari]

Re: Is Maah (June) ka lafz "Badal"

Merey naseeb ka awara badal
tamam shehr pr barsa,merey gher k siwa

[aquari]

Re: Is Maah (June) ka lafz "Badal"

paidoon kii tarah husn kii baarish me.n nahaa loon
baadal kii tarah jhuum ke ghir aao kisii din

[amber]

Re: Is Maah (June) ka lafz "Badal"

Koi Baadal Naye Mausam ka phir Elaan karta hai
Khizaan k Baagh mein jab ek bhi Patta nahi rehta
Mohobbat ek Khushbu hai Hamesha saath rehti hai
Koi Insaan Tanhai mein b Tanha nahi rehta

[aquari]

Re: Is Maah (June) ka lafz "Badal"

Hum ney suna thaa sehan chaman main kaif k badal chahye hain
Hum bhi gaye they jii behlaney,ashk baha kr laye hainn

[aquari]

Re: Is Maah (June) ka lafz "Badal"

Dur tak chahye they badal or kahi saaya na thaa
is tarha barsat kamausam kabhi aya naa thaa

[_Dard_Aashna_]

Re: Is Maah (June) ka lafz "Badal"

Badal ki tarah guzro mairay dil ki galli sai
khushbo ki trah mujh pai baras jao kisi din

[Shiza422]

Re: Is Maah (June) ka lafz "Badal"

:rose Wa Alikum Assalam:rose

Koan kis ki Khatir day ga itni Sachchi Qurbani
Badal sabki Pyas Bujha kar Khud Pyasa rehjata hay