Lafz Sey Ashaar

[Masood]

Assalamo allaikum

Is thread mein ham last post kiyey huwey shair mein sey koi aik lafz ley kar agla shair likhein ge. To aaghaz mein main apna aik shair pesh karta hoon:

Sadiyaan beeti hain wasl-e-yaar ka intizaar kartey kartey
saba ki manind waqt guzra deedar-e-yaar kartey kartey

[Yaaram]

Re: Lafz Sey Ashaar

Acha silsila start kya hay.........jawab aapke sign main aik sher laga hua karta tha Faiz Ahmed Faiz ka us se karta hoon
aur bhi gham hain zamane main muhabbat ke siwa
rahetin aur bhi hain wasl ki rahat ke siwa

[Masood]

Re: Lafz Sey Ashaar

Wafa ka naam rah jaey ga lekin ham nahin hon ge
zamaney ko muhabbat key fasaney yaad aaein ge

['SamRazi']

Re: Lafz Sey Ashaar

Wafa ke naam per koi is qadar mashour ho jayeh
Wafa karey koi aur bewafa mashour ho jayeh

[gumnaaaam]

Re: Lafz Sey Ashaar

ab teray zikr pay hum baat badal detay hain
kitni ragbat thi teray naam say pehlay pehlay

[Masood]

Re: Lafz Sey Ashaar

Main janta hoon keh duniya tujhey BADAL dey gi
main maanta hoon keh aisa nahin bazahir tu
Faraz

[gumnaaaam]

Re: Lafz Sey Ashaar

daaG duniyaa ne diye zaKhm zamaane se mile
ham ko ye tohafe tumhe.n dost banaane se mile
kaise maane ke unhe.n bhuul gayaa tuu ai 'Kaif'
un ke Khat aaj hame.n tere sarahaane se mile

[Masood]

Re: Lafz Sey Ashaar

Ham ko jhuka sakey zamaney mein dam nahin
ham sey hai zamana, zamaney sey ham nahin

[gumnaaaam]

Re: Lafz Sey Ashaar

Nahi hai tum say koi dosti bhi ab tou magar
kadam kadam pe ye kaisa vabaal aya hai

[Masood]

Re: Lafz Sey Ashaar

issey dekha to zahid ney kaha, eeman ki yeh hai
keh ab insaan ko sajdah rawa honey ka waqt aaya

[Yaaram]

Re: Lafz Sey Ashaar

Yeh bhi Mumkin hai kisi roz na pehchanoN use
wo jo har bar naya bhes badal leta hai

[Masood]

Re: Lafz Sey Ashaar

Yun to pather ki bhi taqdeer BADAL sakti hai
shart yeh hai keh issey dil sey tarasha jaey

[Mehak]

Re: Lafz Sey Ashaar

Yun to pather ki bhi taqdeer BADAL sakti hai
shart yeh hai keh issey dil sey tarasha jaey

sahee kaha :wink

aik qatra to kya hum dariya bhi uske naam kar dete
woh kehta to sahi aik baar pyaasey lehjey mein

[Masood]

Re: Lafz Sey Ashaar

sahee kaha :wink

aik qatra to kya hum dariya bhi uske naam kar dete
woh kehta to sahi aik baar pyaasey lehjey mein

:)


Jaa samunder dekh li ham ney bhi teri darya dili
tishna lab rakha sadaf ko boondh paani key liye

[- aa -]

Re: Lafz Sey Ashaar

samander

saahil pay to hoan gay sab kay apnay apnay loag
reh ja'ay gee kashti kee her baat samander mein