4 lines urdu poetry

[.]

Re: 4 lines urdu poetry

لب پہ آتی ہے دعا بن کے تمنا ميری
زندگی شمع کی صورت ہو خدايا ميری
دُور دنيا کا مرے دم سے اندھيرا ہو جائے
ہر جگہ ميرے چمکنے سے اُجالا ہو جائے

[.]

Re: 4 lines urdu poetry

احساس عنايت کر آثار مصيبت کا
امروز کی شورش ميں انديشۂ فردا دے
ميں بلبل نالاں ہوں اک اجڑے گلستاں کا
تاثير کا سائل ہوں ، محتاج کو ، داتا دے

[.]

Re: 4 lines urdu poetry

جب عشق سکھاتا ہے آداب خود آگاہی
کھلتے ہيں غلاموں پر اسرار شہنشاہی
عطار ہو ، رومی ہو ، رازی ہو ، غزالی ہو
کچھ ہاتھ نہيں آتا بے آہ سحر گاہی

[.]

Re: 4 lines urdu poetry

Meri Nazar Se Na Ho Door Ek Pal Ke Liye;
Tera Wajood Hai Lazim Meri Ghazal Ke Liye;
Kahan Se Dhoond Ke Laaun Charag Se Wo Badan;
Taras Gayi Hain Nigahein Kanwal Kanwal Ke Liye!

[.]

Re: 4 lines urdu poetry

تمہارے حسن سے رہتی ہے ہمکنار نظر
تمہاری یاد سے دل ہمکلام رہتا ہے
رہی فراغتِ ہجراں تو ہو رہے گا طے
تمہاری چاہ کا جو جو مقام رہتا ہے

[.]

Re: 4 lines urdu poetry

ہم کسی در پے ٹکے اور نہ کہیں دستک دی
سینکڑوں در تھے مری جاں ترے در سے پہلے
چاند سے آنکھ ملی، جی کا اجالا جاگا
ہم کو سو بار ہوئی صبح سحر سے پہلے

[.]

Re: 4 lines urdu poetry

اے داورِ محشر مُجھے تیری قسم
عُمر بھر میں نے عبادت کی ہے
تُو میرا نامہء اعمال تو دیکھ
میں نے انساں سے محبت کی ہے
(احمد ندیم قاسمی)

[.]

Re: 4 lines urdu poetry

نکل کر خانقاہوں سے ادا کر رسمِ شبیری
کہ فقرِ خانقاہی ہے فقط اندوہ و دلگیری
ترے دین و ادب سے آ رہی ہے بوئے رُہبانی
یہی ہے مرنے والی امتوں کا عالمِ پیری

[.]

Re: 4 lines urdu poetry

اک پل میں اک صدی کا مزا ہم سے پوچھیے
دو دن کی زندگی کا مزا ہم سے پوچھیے
بھولے ہیں رفتہ رفتہ انہیں مدّتوں میں ہم
قسطوں میں خود کشی کا مزا ہم سے پوچھیے

[.]

Re: 4 lines urdu poetry

غم حیات میں کوئی کمی نہیں آئی
نظر فریب تھی تیری جمال آرائی
وہ داستاں جو تری دلکشی نے چھیڑی تھی
ہزار بار مری سادگی نے دہرائی

[.]

Re: 4 lines urdu poetry

اپنی تنہائی مرے نام پہ آباد کرے
کون ہو گا جو مجھے اس کی طرح یاد کرے
دل عجب شہر کہ جس پر بھی کھلا در اس کا
وہ مسافر اسے ہر سمت سے برباد کرے

[.]

Re: 4 lines urdu poetry

دشمنوں سے ہی اب غمِ دل کا مداوا مانگیں
دوستوں نے تو کوئی بات نہ مانی اپنی
آج پھر چاند افق پر نہیں ابھرا محسن
آج پھر رات نہ گزرے گی سہانی اپنی

[.]

Re: 4 lines urdu poetry

دو ہی لفظوں کا تھا وہ افسانہ
جو سُنا کر خموش ہو بیٹھے
ابتدا یہ کہ تم کو چاہا تھا
انتہا یہ کہ تم کو کھو بیٹھے

[.]

Re: 4 lines urdu poetry

مجھے سارے رنج قبول ہیں اُسی ایک شخص کے پیار میں
مری زیست کے کسی موڑ پر جو مجھے ملا تھا بہار میں
وہی اک امید ہے آخری اسی ایک شمع سے روشنی
کوئی اور اس کے سوا نہیں, میری خواہشوں کے دیار میں

[.]

Re: 4 lines urdu poetry

وہ تو خوشبو ہے، ہواؤں میں بکھر جائے گا
مسئلہ پُھول کا ہے، پُھول کدھر جائے گا
ہم تو سمجھے تھے کہ اِک زخم ہے، بھر جائے گا
کیا خبر تھی کہ رگِ جاں میں اُتر جائے گا