Nazam

[Umeed E Sahar]

Usy kuch log kehte hain
Bohat be-his si larki hai

Sadaa khamosh rehti hai
Bohat kam muskurati hai

Nami ankho me rakhti hai
Bohat sochon me rehti hai

Basi ankhon me veerani
Chupi chehre pe hairani

Agr koi jo poochy
Jawabi baat keh kar... Phr

Yonhi khamosh rehti hai
Bari be-his si larki hai

Khud he me gum he rehti hai
Ye kuch maghroor larki hai

Ye batain sun kr us larki ko
Phir kuch yaad aata hy...

Kabi ye log kehte hain
Bohat chanchal si larki hai

Hamesha muskurati hai
Or aksar gun-gunati hai

Chamakta chand sa chehra
Khanakta shookh sa lehja

Diye jalty hain ankho me
Bari shokhi hy baton me

Fizaain dekh kr isko
Khushi se jhoom jati hain

Chamakti raat us k nain me
Sapny jagaati hain

Tamaazat dhoop ki chehre pe us k
Gul khilati hai

Kabi barish k mosam me
Suhaany khel kashti k

Kabi guriyon ki shadi ho
Kabi geeton ki bazi ho

Her dam pesh rehti hai
Bari ul'larh si larki hai

Ye kitni shokh larki hai..?

Mgr ab log kehte hain
Ajab be-his si larki hai

Bohat kam muskurati hai
Sadaa khamosh rehti hai

Unhain maloom kese ho..?
Wafa k qaid khany me

Faraiz k nibhaany me
Jo larki daar charhti hai

Jisy sapno k bun'ny ki
sazaain waqt ne di hon
Jo rasmon or riwajon k
alao me sulagti ho

Labon ki nook pr jis k
Galy be-jaan hoty hon

Jism ki qaid me...
Jab rooh aksar phar-pharati ho

To ek kamzor si larki
Yonhi be-mout marti hai

To phir yon log kehte hain...

Bohat sanjeedgi oorhy...
Ajab be-his si larki hai

Bohat kam muskurati hai
Sada khamosh rehti hai...

[-=The Driver=-]

Re: Nazam

aala intekhab........... bahut khoob Kapoor jee

[.]

Re: Nazam

:thmbup:

[Umeed E Sahar]

Re: Nazam

...........TAAJ MAHAL..........
Taaj tere liye ek mazhare ulfat hi sahi
tujhko iss waadiye rangein se aqeedat hi sahi

maire mahboob kahiN aur mila kar mujhse ...!!

bazm e shaahi meiN ghareeboN ka guzar kya maani
sabt jis raah pa hoN satwate shahi ke nishaaN
uss pa ulfat bhari roohoN ka safar kya maani
anginat logoNne duniya meiN mohabbat ki hai
kaun kahta hai ke saadiq na thEy jazbe unke
lekin unke liye tash'heer ka saamaan nahiN
kyuNke woh logg bhi apni hi tarah muflis thEy

meri mahboob unheiN bhi tO mohabbat hogi
jin ki raanaai ne bakhshi hai isey shakl e jameel
unke pyaroN ke maqabir rahe be naam o namood
aaj tak unpa jalaai na kisi ne qandeel

ye chamanzaar, ye Jamna ka kanara, ye mahal
ye munaqqash dar o deewaar, ye mehraab, ye taaq
ek shahanshah ne daulat ka sahara leikar
humm ghariboN ki mohabbat ka uRhaya hai mazaaq

mere mahboob kahiN aur mila kar mujhse ....!!!

[Baniaz Khan]

Re: Nazam

bhot khoobsoorat intikhab ..

keep sharing

[Umeed E Sahar]

Re: Nazam

Hum ne Soch rakha hai !
Chahe Dil ki har Khawish !
Zindgi ki aankhoun se Ashak ban kar ,
Beh jaaye.
Chahe ab makeeno per ,
ghar ki saari dewaarien chut samait gir jayein !
Or be muqadar ham
Is badan ke malbe mein , khud hi kiyon na Dab jayein !
Tum se kuch nahi kehna !
kesi neend thi apni, kaise khawab the apne .
Or ab gulaboun per, Neend wali aankhoun per ,
naram kho se khawaboun per kiyon Azaab toote hain !
tum se kuch nahi kehna !
ghar gaye hain ratoun mein, Be le bas batoun mein !
Is tarah ki ratoun mein , kab charagh jalte hain .
Kab Azab talte hain !
Ab to in azaaboun se bach ke bhi nikalna hai,
BAch kar bhi nikalna ka, Rasta nahi jaana.
Jis tarah tumhe such ke la zawal lamhoun se wasta
nahi jaanan.
Hum ne soch rakha hai !
tujh se kuch nahi kehna ........

[Umeed E Sahar]

Re: Nazam

. Apne maAzi k ....
Apne Maazi Ke Tasawwur Se Harasaan Hoon Main,
Apne Guzre Hue Ayyaam Se Nafrat Hai Mujhe.
Apni Bekaar Tamannaon Pe Shrminda Hoon,
Apni Besood Ummeedon Pe Nadamat Hai Mujhe.

Mere Maazi Ko Andhere Mai Daba Rehne Do,
Mera Maazi Meri Zillat Ke Siwa Kuch Bhi Nahin.
Meri Ummeedon Ka Haasil Meri Kaawish Ka Sila,
Ek Benaam Azeeyat Ke Siwa Kuch Bhi Nahin.

Kitini Bekaar Ummeedon Ka Sahara Lekar,
Maine Aiwaan Sajaye The Kisi Ki Khaatir.
Kitni Berabt Tamannaon Ke Mubham Khaake,
Apne Khwabon Mai Basaye The Kisi Ki Khaatir.

Mujhko Kehne Do Ke Main Aaj Bhi Ji Sakta Hoon,
Ishq Nakaam Sahi Zindagi Nakaam Nahin.
Unko Apnane Ki Khwahish Unhe Paane Ki Talab,
Shauq Bekaar Sahi Sai-E-Gham Anjaam Nahin.
.....(Sahir Ludhianvi)

[Dr Fausts]

Re: Nazam

bohat khoob lajwab

[Umeed E Sahar]

Re: Nazam

DAAGH

bari bey wajood hai zindagi
key mai hon ye mujh ko yaqeen nahi

mujhey keh rahey hai ye dukh merey
mai kahin nahi mai kahin nahi

merey mamta merey babla
terey chand mai koi daagh hai

kisi aik lamhey ki baat kya
ye tamam zindagi daagh hai

kabhi tun mai raat ka zeher hai
kabhi maan mai jaghta dard hai

meri ankhai bhuj gai hijir mai
mera chehra runj sey zard hai

meri zaat kya hai hayyat kya
kabhi phool hai kabhi daagh hai

kisi aik lamhey ki baat kya
ye tamam zindagi daagh hai

merey moula tu ney banai hai
kya ajeeb kuriyon ki qismatain

hai kahin nazer mai haqaratain
tou kahin dillo mai hai nafratain

chala a rha hai azal sey jo
ye usi tarha ka daagh hai

kisi aik lamhey ki baat kya
ye tammam zindagi daagh hai

[Dr Fausts]

Re: Nazam

Bohat KHoob Wardha Kamal Ki Lines Hain

meri ankhai bhuj gai hijir mai
mera chehra runj sey zard hai


Bohat Acha zouq Ha Ap ka....


Khush rehay


PBT

[Umeed E Sahar]

Re: Nazam

Bohat KHoob Wardha Kamal Ki Lines Hain

meri ankhai bhuj gai hijir mai
mera chehra runj sey zard hai


Bohat Acha zouq Ha Ap ka....


Khush rehay


PBT

Buhat shukriya .. :) DOc SAhb

[Umeed E Sahar]

Re: Nazam

!!..چل انشا اپنے گاوں میں
یہاں الجھے الجھے روپ بہت
پر اصلی کم بہروپ بہت
اس پیڑ کے نیچے کیا رکنا
جہاں سایا کم ھو دھوپ بہت
چل انشا اپنے گاوں میں
بیٹھیں گے سکھ کی چھاوں میں
کیوں تیری آنکھ سوالی ہے
یہاں ہر اک بات نرالی ہے
اس دیس بسیرا مت کرنا
یہاں مفلس ھونا گالی ہے
چل انشا اپنے گاوں میں
جہاں سچے رشتے یاروں کے
جہاں وعدے پکے پیاروں کے
جہاں گھونگھٹ زیور ناروں کے
جہاں جھومیں کومل سر والے
جہاں ساز بجیں بن تاروں کے
کرے سجدہ وفا بھی پاوں میں
!!...چل انشا اپنے گاوں میں

[Dr Fausts]

Re: Nazam

Bohat Khoob Achi nazm Aur acha laga urdu Rasm ul khat ma Ap ki post dikh ka


Khush rehay

[Umeed E Sahar]

Re: Nazam


Jigar dareeda hoon, chaak-e-jigar ki baat suno
Umeed-e-sahar ki baat suno

Alam raseeda hoon, daman-e-tar ki baat suno
Umeed-e-sahar ki baat suno

Zubaan bureeda hoon, zakhm-e-guloo sey harf karo
Umeed-e-sahar ki baat suno

Shikasta pa hoon, malaal-e-safar ki baat suno
Umeed-e-sahar ki baat suno

Musafir-e-rah-e-sehra-e-zulmat-e-shab se
Ab iltafat-e-nigar-e-sahar ki baat suno

Umeed-e-sahar ki baat sunoo!